(ក្រចេះ)៖ ភ្លៀងខ្យល់កន្ដ្រាក់លាយលំជាមួយផ្គរ និងរន្ទះបានបាញ់ចំមនុស្សចំនួន៧នាក់ ក្នុងនោះបណ្ដាលឲ្យម្នាក់ស្លាប់ និង៦នាក់រងរបួស នៅល្ងាចថ្ងៃទី១៦ ខែឧសភា ឆ្នាំ២០២៣ ស្ថិតក្នុងស្រុកចិត្របុរី និងស្រុកអូរគ្រៀងសែនជ័យ ខេត្តក្រចេះ។
សមត្ថកិច្ចស្រុកចិត្របុរី បានឲ្យដឹងថា ករណីឧបទ្ទវហេតុរន្ទះបាញ់ស្លាប់មនុស្សម្នាក់ នៅចំណុចច្រប់ ភូមិវាលសំបូរ ឃុំថ្មី ស្រុកចិត្របុរី ខេត្តក្រចេះ ដោយជនរងគ្រោះឈ្មោះ អង់ ខ្លេះទិត្យ អាយុ៣៣ឆ្នាំ។
ដោយឡែក នៅស្រុកអូរគ្រៀងសែនជ័យ រន្ទះបាញ់ត្រូវមនុស្ស៦នាក់ នៅចំណុចភ្នំបាក់ ភូមិអូរគ្រៀង ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះ ក្នុងោះបណ្ដាលឲ្យ៣នាក់របួសធ្ងន់ និង៣នាក់របួសស្រាល។ ក្រោយកើតហេតុ អ្នករងរបួសធ្ងន់ត្រូវបានក្រុមគ្រួសារយកទៅព្យាបាលនៅមន្ទីពេទ្យខេត្តស្ទឹងត្រែង រីឯអ្នករងរបួសស្រាលព្យាបាលនៅផ្ទះរៀងៗខ្លួន៕
