(ភ្នំពេញ)៖ លោក សឿង សុធានី ប្រធានសមាគមសប្បុរសធម៌ខ្មែរកម្ពុជាក្រោម និងជាទីប្រឹក្សាបណ្តុំអង្គការសមាគមសង្គមស៊ីវិល ប្រកាសគាំទ្រទាំងស្រុងលើសេចក្តីសម្រេចចិត្តរបស់គណៈកម្មាធិការជាតិរៀបចំការបោះឆ្នោត (គ.ជ.ប) បដិសេធចុះបញ្ជីដល់គណបក្សភ្លើងទៀន សម្រាប់ការបោះឆ្នោតតំណាងរាស្រ្តអាណត្តិទី៧។
លោក សឿង សុធានី បានហៅការសម្រេចចិត្តរបស់ គ.ជ.ប បានផ្អែកទាំងស្រុងទៅលើលក្ខខន្តិកៈ និងច្បាប់ទាំងឡាយស្តីពីការបោះឆ្នោតជ្រើសតាំងតំណាងរាស្ត្រ។
លោក សុធានី បានហៅការមិនអាចចុះបញ្ជីឈ្មោះបោះឆ្នោតរបស់គណបក្សភ្លើងទៀន គឺជាកំហុសរបស់ថ្នាក់ដឹកនាំបក្សភ្លើងទៀនផ្ទាល់ ដែលមានការធ្វេសប្រហេស និងកម្សោយផ្លូវច្បាប់។ ជាពិសេសនោះ គឺការមិនចុះសម្រុងផ្ទៃក្នុងរបស់បក្សតែម្តង៕
