(ព្រះសីហនុ)៖ កម្លាំងអធិការដ្ឋាននគរបាលស្រុកព្រៃនប់ បានចាប់ខ្លួនជនសង្ស័យម្នាក់ ពាក់ព័ន្ធករណីចែកចាយ និងប្រើប្រាស់គ្រឿងញៀន ដោយដកហូតបានថ្នាំញៀនមួយចំនួន នៅថ្ងៃទី០៩ ខែឧសភា ឆ្នាំ២០២៣ ចំណុចក្នុងព្រៃស្ថិតក្នុងភូមិបត់គគី ឃុំអូឧញ្ញាហេង ស្រុកព្រៃនប់ ខេត្តព្រះសីហនុ។
របាយការណ៍របស់សមត្ថកិច្ចបានបញ្ជាក់ថា ជនសង្ស័យដែលចាប់ខ្លួននេះឈ្មោះ សាន និត អាយុ២១ឆ្នាំ មុខរបរមិនពិតប្រាកដ មានទីលំនៅភូមិបត់គគី ឃុំអូឧញ្ញាហេង ស្រុកព្រៃនប់ ខេត្តព្រះសីហនុ។ ក្នុងនោះសមត្ថកិច្ចដកហូតបាន ម្សៅក្រាមសថ្លាសង្ស័យសារធាតុញៀន ចំនួន១២កញ្ចប់, ទូរស័ព្ទដៃចំនួន០១គ្រឿង និងថងវិចខ្ចប់មួយចំនួន។ បច្ចុប្បន្នកម្លាំងសមត្ថកិច្ចកំពុងកសាងសំណុំរឿងតាមនីតិវិធី៕
