(តួកគី)៖ WhatsApp ត្រូវបានក្លាយជាឧបករណ៍របស់ក្រុមពួកទាហានក្បត់រដ្ឋាភិបាល ទាក់ទងគ្នាដើម្បីធ្វើរដ្ឋប្រហារ​ទម្លាក់ប្រធានាធិបតីតួកគី លោក Recep Tayyip Erdogan ចេញពីអំណាច នេះបើយោងតាមការសារព័ត៌មាន BBC ចេញផ្សាយមុននេះបន្តិច។

ជាមួយនោះផងដែរ តាមសេចក្ដីរាយការណ៍របស់​ BBC បានឲ្យដឹងទៀតថា មានឧទ្ធម្ភាគចក្រយោធាតួកគី​មួយ​គ្រឿង ផ្ទុកមនុស្ស ៨នាក់ បានចុះចតនៅភាគខាងជើង នៃប្រទេសក្រិច និងបានស្នើសុំសិទ្ធិជ្រក​កោន​ផ្នែក​នយោបាយ បន្ទាប់ពីត្រូវបាន​ប្រកាសតាមចាប់ខ្លួន ប៉ុន្តែមុននេះបន្តិចផងដែរ លោក Mevlut Cavusoglu បានស្នើដល់រដ្ឋាភិបាលក្រិចធ្វើបត្យាប័ណ្ណ បញ្ជូនមនុស្សទាំង ៨នាក់នោះមកវិញ។

គួរបញ្ជាក់ផងដែរថា មនុស្ស១០៤នាក់ ពាក់ព័ន្ធនឹងការសមគំនិត​ធ្វើរដ្ឋប្រហារ ត្រូវបានបាញ់សម្លាប់ចោល និង​យោធាជិត ៣០០០នាក់ត្រូវបានចាប់ខ្លួន ខណៈដែលប្រធានាធិបតី​តួកគីលោក Recep Tayyip Erdogan បានស្តីបន្ទោសទៅលើរដ្ឋប្រហារ ដែលបង្កឡើងដោយលោក Fethullah Gulen អ្នកប្រាជ្ញនៃក្រុមអ៊ីស្លាម ដែលបច្ចុប្បន្នកំពុងតែរស់នៅក្នុង រដ្ឋ Pennsylvania របស់សហរដ្ឋអាមេរិក៕