(ភ្នំពេញ)៖ តាមរយៈបណ្តាញទំនាក់ទំនងសង្គម លោកបណ្ឌិត ហ៊ុន ម៉ាណែត បានផ្ញើសារអបអរសាទរដល់កីឡាករទ្រីយ៉ាត្លុងកម្ពុជា Sokha Mickael Chaumond ដែលបានឈ្នះមេដាយប្រាក់ លើវិញ្ញាសា ឌូអាត្លុង (រត់ ជិះកង់ រត់) ដែលការប្រកួតរៀបចំឡើងនៅខេត្តកែប នាព្រឹកថ្ងៃទី០៧ ខែឧសភា ឆ្នាំ២០២៣នេះ។

ការប្រកួតលើវិញ្ញាសារ ឌួអាត្លុង Duathlon (បុរស) រត់ ៥គ.ម + ជិះកង់ ២០ គ.ម + រត់ ២.៥ គ.ម នៅព្រឹកនេះ កីឡាករវៀតណាម Tien san Pham ឈ្នះមេដាយមាស និងកីឡាករ Sedilta Pilon Nubatonis ប្រទេសឥណ្ឌូនេស៊ី ឈ្នះមេដាយសំរឹទ្ធ។

សូមជម្រាបថា កម្ពុជាកំពុងនាំមុខគេលើកំពូលតារាង ដែលទទួលបានមេដាយច្រើនជាងគេ ក្នុងព្រឹត្តិការណ៍ប្រកួតកីឡាស៉ីហ្គេម ក្នុងនាមជាម្ចាស់ផ្ទះប្រវត្តិសាស្ត្ររបស់ខ្លួន៕