(ព្រៃវែង)៖ នៅព្រឹកថ្ងៃទី០៦ ខែឧសភា ឆ្នាំ២០២៣ ដោយបានការឯកភាពពីលោកប្រធានក្រុមការងារចុះជួយស្រុកកញ្ជ្រៀច រួមជាមួយគណៈកម្មាធិការបក្សប្រជាជនកម្ពុជាស្រុកកញ្ជ្រៀច និងសប្បុរស ជនមកពីក្រុមហ៊ុន «សម្បត្តិយើង» បានដំណើរការសកម្មភាព, ឃោសនាផ្សព្វផ្សាយ នៅទីស្នាក់ការគណបក្ស និងផ្សព្វផ្សាយរំលឹកពីគុណូបការៈមិនអាចកាត់ថ្លៃបាន របស់គណបក្សប្រជាជនកម្ពុជា ក្រោម ការដឹកនាំរបស់សម្ដេចតេជោ ហ៊ុន សែន ដែលមានសម្ដេចក្រឡាហោម ស ខេង ជាសេនាធិការ ក្នុងការរំដោះអាយុជីវិតប្រជាជន រួចផុតពីរបបប្រល័យពូជ សាសន៍ ប៉ុល ពត និងកសាងការពារសន្តិភាព អភិវឌ្ឍន៍ប្រទេសជាតិទាំងអណាចក្រនិងពុទ្ធចក្រ។
ប្រធានក្រុមការងារ ចុះជួយស្រុកស្វាយអន្ទរកញ្ជ្រៀច បានឲ្យដឹងថា គណបក្សប្រជាជនកម្ពុជា នៅបានយកចិត្តទុកដាក់ដោះស្រាយ រាល់ការលំបាករបស់ប្រជាពលរដ្ឋ ជាពិសេសពលរដ្ឋក្រីក្រគ្មានទីពឹង និងសូមអំពាវនាវសូម ចូលរួមអនុវត្តន៍គោល នយោបាយភូមិ ឃុំ មានសុវត្ថិភាព។ មានរដ្ឋាភិបាលដែលមានគណបក្សប្រជាជនដឹកនាំទើបប្រទេសយើងមានសន្តិភាព និងរីកចំរើនលើគ្រប់វិស័យ ដូច្នេះសូមលោក យាយ លោក តា មីង ពូ បោះឆ្នោតនិ ងណែនាំកូនចៅដែលគ្រប់អាយុបោះឆ្នោត ទៅបោះឆ្នោតជូនគណបក្សប្រជាជនកម្ពុជា នៅថ្ងៃទី២៣ ខែកក្កដា ឆ្នាំ២០២៣ខាងមុខនេះ។
ក្នុងឱកាសនេះ អំណោយរបស់នាយឧត្ដមសេនីយ៍ នេត សាវឿន ក៏ត្រូវបានចែកជូនប្រជាជនទ័លក្រ ៥០ គ្រួសារ ក្នុង១គ្រួសារទទួលបាន អង្ករ១០គីឡូក្រាម ថវិកា០៥ម៉ឺនរៀល មី១កេស និង ទឹកត្រី ទឹកស៊ីអ៊ីវ ត្រីខ១យួរ, សិស្សានុ សិស្សបថម ១០០នាក់ ក្នុង១នាក់ទទួលបានថវិកា៥ពាន់រៀល កាតាប១ និងសម្ភារៈសិក្សាជាច្រើនមុខ និងប្រគល់កៅអីប្រជុំ ចំនួន៥០ ដល់អធិការដ្ឋាននគរបាលស្រុកកញ្ជ្រៀច (ធ្វើនៅសាលប្រជុំនគរបាលស្រុក)។
ឆ្លៀតក្នុងឱកាសនោះដែរ តាងនាមលោក នេត សាវឿន ប្រធានក្រុមការងារចុះជួយស្រុកស្វាយអន្ទរកញ្ជ្រៀច លោក សយ សុត ប្រធានគណបក្សស្រុក និងលោក ម៉ក់ ជីតូ អនុប្រធានក្រុមការងារ ចុះជួយស្រុកកញ្ជ្រៀច បានថ្លែងអំណរគុណចំពោះសកម្មភាពសប្បុរសធ៍ម របស់លោក ផាង សម្បត្តិ អគ្គនាយកក្រុមហ៊ុន សម្បត្តិយើង និងបានប្រគល់លិខិតថ្លែង អំណរគុណរបស់ក្រុមការងារ រាជរដ្ឋាភិបាលចុះជួយស្រុកស្វាយអន្ទរ កញ្ជ្រៀច ថែមទៀតផង៕
