(បារាំង)៖ ហេតុការណ៍វាយប្រហារភេរវកម្មបើករថយន្តធុនធំ បុកសម្លាប់មនុស្សទីក្រុងនីស ប្រទេសបារាំង, អ្នកស្លាប់កើនឡើងដល់៨០នាក់ និងរងរបួសជាង១០០នាក់, ទង្វើវាយប្រហារភេរវកម្មនេះ កើតឡើងចំថ្ងៃបុណ្យជាតិដ៏ធំរបស់បារាំង (Bastille Day) នេះបើយោងតាមសារព័ត៌មានបរទេសជាច្រើន ផ្សាយបន្តបន្ទាប់ Update មុននេះបន្តិច។

ប្រធានាធិបតីសហរដ្ឋអាមេរិក លោក បារ៉ាក់ អូបាម៉ា បានចេញសេចក្ដីថ្លែងការណ៍ថ្កោលទោសមួយ ដោយ​បាន​បញ្ជាក់ថា «អ្វីដែលបានកើតឡើងនៅ​ទីក្រុងនីស ប្រទេសបារាំង វាហាក់ដូចជា​ការវាយប្រហារ​ភេរវកម្ម​យ៉ាង​រន្ធត់»។

ហេតុការណ៍រថយន្តធុនធំបើកបុករះសម្លាប់មនុស្សនេះ អាជ្ញាធរបារាំងកំពុងដាក់ការសង្ស័យថា ទង្វើភេរវកម្ម ព្រោះក្នុងហេតុការណ៍នោះ​ មានការបាញ់តបតគ្នារវាងខ្មាន់កាំភ្លើង និងប៉ូលិស។

សូមជំរាបថា ទីក្រុងនីស របស់បារាំងនេះក៏មានប្រជាពលរដ្ឋខ្មែរ រស់នៅមួយចំនួនធំដែរ៕