(បន្ទាយមានជ័យ)៖​​ លោក​ ធិន សិុនដេត អធិការនគរបាលក្រុងប៉ោយប៉ែត បានប្រាប់ភ្នាក់ងារ​ Fresh News ថា ក្រោយពីមាន​កាចង្អុលបង្ហាញពីលោ​ក​ឧត្តមសេនីយ៍​ទោ អាត់ ខែម ស្នងការខេត្ត​​​ និងមានការសម្របសម្រួលពី​លោក​ មាស​ ច័ន្ទពិសិដ្ឋ ​ព្រះរាជអាជ្ញា​អមសាលាដំបូងខេត្ត​ បាន​ដឹកនាំកម្លាំងជំនាញ​​​​​ បង្រ្កាបទីតាំងល្បែងហ្គេម​មួយកន្លែង នៅកណ្តាលក្រុងប៉ោយប៉ែត​​ រឹបអូសបាន​ ឧបករណ៍ហ្គេម​កុំព្យូទ័រ ជាច្រើនគ្រឿង ជាពិសេស​ប្អូន​សិ​ស្ស​២៣នាក់ និងម៉ូតូ៥គ្រឿង​។

លោកអធិការបានបន្តថា ក្រោយពីលោកបានដាក់កម្លាំងជំនាញធ្វើការ​ស្រាវជ្រាវ រហូតទទួលបាន​បង្ក្រាបបាន​សម្រេចហើយ បានធ្វើការ​អប់រំ​ណែនាំដល់ប្អូនៗខាងលើ​​ ត្រូវលះបង់ការលេងល្បែងហ្គេម​អ៊ិនធីណែត ធ្វើឲ្យយើងគ្រប់ៗរូប​ភ្លេចការសិក្សារៀនសូត្រ។ បន្ថែមពីនេះ លោកបានផ្តាំផ្ញើថា សូមឲ្យប្អូនទាំងអស់​ជៀសឲ្យផុតពីគ្រឿងញៀន ហើយឆ្លើយទេចំពោះគ្រឿងញៀន​ និងឲ្យអាណាព្យាបាលទាំងអស់មកទទួល និងបានប្រគល់ម៉ូតូដកហូតផងដែរ។

លោកបញ្ជាក់ថា ចំពោះម្ចាស់ទីតាំង គឺ​ពុំឃើញឡើយ ដោយម្ចាស់ទីតាំងបានឲ្យក្មេងប្រុស អាយុ​៧ឆ្នាំ ម្នាក់ជាអ្នកយកលុយជំនួសវិញ​ រីឯ​​កុំព្យូទ័រ ត្រូវបានសមត្ថកិច្ច យកទៅរក្សាទុកនៅការិយាល័យជំនាញ​​​​ ចំណែក​ទីតាំងនោះត្រូវបានបិតប៉ុណ្ណោះអាសន្នសិន រង់ចាំម្ចាស់ផ្ទះចូលខ្លួន​ មកដោះស្រាយតាមនិតិវិធីច្បាប់៕