(ភ្នំពេញ)៖ ស្រាបៀរកម្ពុជា បានរៀបចំកម្មវិធីជប់លៀងដើម្បីអបអរសាទរភាពជោគជ័យរបស់ The Voice Cambodia រដូវកាលទី២ នៅអគារកោះពេជ្រ ដោយមានការ ចូលរួមផ្ទាល់ពី Coach និងបេក្ខជនThe Voice Cambodia រដូវកាលទី២ទាំងអស់បានចូលរួមក្នុងកម្មវិធីនេះផងដែរ។

មុនពេលកម្មវិធីចាប់ផ្តើម អ្នកគាំទ្របេក្ខជនThe Voice Cambodia ជាច្រើននាក់បានមកទទួលអាវយឺតដោយឥតគិតថ្លៃពីស្រាបៀរកម្ពុជា ហើយបានជួបបេក្ខជនដែលខ្លួន គាំទ្រ សុំហត្ថលេខា និងថតរូបជាមួយពួកគាត់ថែមទៀតផង។ ក្នុងកម្មវិធីជប់លៀង Coach និងបេក្ខជនទាំងអស់បានឡើងច្រៀងរួមគ្នាលើឆាកតន្ត្រី ដើម្បីបង្កើនភាពស្និត ស្នាល និងរំលឹកអនុស្សាវរីយ៍ការប្រឡងយ៉ាងស្វិតស្វាញរយៈពេលប្រាំមួយខែកន្លងមក។ អ្វីដែលគួរឲ្យចាប់អារម្មណ៍នោះ គឺបេក្ខជនជយលាភី ថែល ថៃ បានចាប់ដៃគូជា មួយCoach ឱក សុគន្ធកញ្ញាម្តងទៀត ច្រៀងបទ «ពេលបងចាស់ទៅ»បន្ទាប់ពីមានការ​​សំណូម​ពរយ៉ាងច្រើនពីអ្នកចូលរួម ហើយក្នុងកម្មវិធីនេះក៏មានការចាប់រង្វាន់ ផ្សង សំណាង ផងដែរ។

លោកឧកញ៉ា លាង ឃុន ប្រធានអគ្គនាយក ក្រុមហ៊ុនខ្មែរប្រ៊ូវើរី លីមីតធីត ដែលបានឧបត្ថម្ភផ្តាច់មុខកម្មវិធីអន្តរជាតិមួយនេះ បានថ្លែងថា The Voice Cambodia រដូវកាល ទី២ ពិតជាទទួល​បានជោគជ័យ​ជាទីគាប់ចិត្ត ដោយមានបេក្ខជន បេក្ខនារី មកពីគ្រប់ខេត្តក្រុង ប្រមាណ១០ម៉ឺននាក់ បានដាក់ពាក្យប្រឡង ហើយបានសាងកេរ្តិ៍ឈ្មោះ បន្តិចម្តងៗ រហូតមានអ្នកគាំទ្ររៀងៗខ្លួនយ៉ាងច្រើន។ ក្រៅពី The Voice Cambodia ស្រាបៀរកម្ពុជាតែងតែរៀបចំ និងឧបត្ថម្ភការប្រគំតន្ត្រីធំៗជាច្រើន រៀងរាល់ឆ្នាំនៅទូ ទាំងប្រទេស ដើម្បីជួយលើកស្ទួយសិល្បៈចម្រៀងនៅកម្ពុជា៕