(តូក្យូ)៖ ព្រះចៅអធិរាជ្យរបស់ជប៉ុន លោក Akihito ប្រកាសថា​ នឹងមានផែនការគ្រោងដាក់រាជ្យនៅប៉ុន្មានឆ្នាំខាងមុខនេះ ព្រោះតែបញ្ហាសុខភាព ដោយបច្ចុប្បន្នព្រះចៅអធិរាជ្យមានព្រះជន្ម ៨២ឆ្នាំ។ នេះបើយោងតាមការ​ចេញផ្សាយ​របស់​សារព័ត៌មាន​ BBC នៅមុននេះបន្តិច។

Akihito បានកើតនៅថ្ងៃទី២៣ ខែធ្នូ ឆ្នាំ១៩៣៣ និងបានឡើងស្នងតំណែងជាព្រះចៅអធិរាជ្យជប៉ុន នៅថ្ងៃទី​០៧ ខែមករា ឆ្នាំ១៩៨៩។ ព្រះចៅអធិរាជ្យ Akihito មានអគ្គមហាសីព្រះនាម Michiko Shōda និង​មានបុត្រាពីរព្រះអង្គគឺព្រះរាជបុត្រ Naruhito និង Akishino ព្រមទាំងបុត្រីមួយព្រះអង្គគឺព្រះនាង Nori។

គួរបញ្ជាក់ផងដែរថា តំណែងជា​ព្រះចៅអធិរាជ្យជប៉ុននេះ នឹងត្រូវផ្ទេរទៅឲ្យព្រះអង្គម្ចាស់ Naruhito ដែលជាបុត្រាច្បង៕