(ភ្នំពេញ)៖ លោក ម៉ៅ ស៊ីថា ប្រធានបណ្តាញយុវជនខ្មែរមហានគរ បានលើកឡើងថា ការចូលរួមសកម្មភាពនានាជាមួយទណ្ឌិត សម រង្ស៉ី គឺជាទង្វើខុសច្បាប់។ លោក បានអំពាវនាវប្រជាជនខ្មែរឈប់ចាញ់បោកមនោគមវិជ្ជាខ្មៅកខ្វក់ ជ្រុលនិយមរបស់ក្រុមជនក្បត់ជាតិតជំនាន់ សម រង្ស៉ី។
លោក ម៉ៅ ស៊ីថា គឺជាយុវជនមួយរូប ដែលធ្លាប់បានធ្វើបាតុកម្ម និងសកម្មភាពតវ៉ាប្រឆាំងរាជរដ្ឋាភិបាលដ៏សកម្មមួយរូប ក្រោមការអូសទាញ និងបញ្ជាពីសំណាក់ទណ្ឌិត សម រង្ស៉ី។
លោក ម៉ៅ ស៊ីថា បានរំលឹកថា សកម្មភាពរបស់ខ្លួនមិនបានជាប្រយោជន៍ដល់សង្គមនោះឡើយ។ ដោយមើលឃើញថា សកម្មភាពក្រោមការដឹកនាំរបស់ទណ្ឌិត សម រង្ស៉ី គ្មានប្រយោជន៍សម្រាប់សង្គមនេះហើយទើបយុវជនជាច្រើន ឈប់បម្រើសកម្មភាពនយោបាយខ្មៅរបស់ សម រង្ស៉ី ហើយងៀកមកគាំទ្ររាជរដ្ឋាភិបាល។
លោក ម៉ៅ ស៊ីថា បានអំពាវនាវដល់ប្រជាពលរដ្ឋ និងយុវជន ដែលនៅលង់ជឿលើនយោបាយដឹកមុខដោយទណ្ឌិត សម រង្ស៉ី ត្រូវពិចារណាឡើងវិញ ហើយត្រូវបញ្ឈប់សកម្មភាពដែលបង្កគ្រោះថ្នាក់ដល់ជាតិ៕
