(អង់គ្លេស)៖ ក្រុមហ៊ុនអាកាសចរណ៍តម្លៃថោករបស់ម៉ាឡេស៊ី AirAsia បានដាក់ការបញ្ជាទិញយន្តហោះប្រភេទ A321neo ពីក្រុមហ៊ុនផលិតយន្តហោះ Airbus ជាប្រភេទយន្តហោះមានផ្លូវដើរនៅខាងក្នុងតែមួយ និងស៊ីសាំងតិចចំនួន១០០គ្រឿង ជាមួយនឹងតម្លៃ១២.៥ពាន់លានដុល្លារ សហរដ្ឋអាមេរិក ដោយនេះជាកិច្ចព្រមព្រៀង ដែលមានទំហំទឹកប្រាក់ធំជាងគេបំផុត មិនធ្លាប់មានពីមុនមក នៅក្នុងពិធីតាំងពិព័រណ៌អាកាសចរណ៍ Farnborough។ នេះបើតាម សារព័ត៌មានស៊ិនហួ ចុះផ្សាយនៅយប់ថ្ងៃទី១២​ ខែកក្កដានេះ។

ការបញ្ជាទិញរបស់ក្រុមហ៊ុននេះ មានតម្លៃស្នើនឹង១១.៣ពាន់លានអឺរ៉ូ នៅក្នុងបញ្ជីតម្លៃដោយវាត្រូវបានប្រកាសភា្លមៗ បន្ទាប់ពីក្រុមហ៊ុនអាកាសចរណ៍ Go Air របស់ឥណ្ឌា ផ្តល់សញ្ញារបស់ខ្លួនក្នុងការមានបំណងចង់ទិញ យន្តហោះប្រភេទ A320neos ចំនួន៧២គ្រឿង ពីក្រុមហ៊ុន Airbus ជាមួយនឹងតម្លៃ ៧.៧ពាន់ លានដុល្លារសហរដ្ឋអាមេរិក។ ក្រុមហ៊ុនអាកាសចរណ៍ AirAsia គឺជាក្រុមហ៊ុនអាកាសចរណ៍ ដែលមានថវិកាច្រើនជាងគេបំផុត នៅក្នុងតំបន់ ខណៈយន្ត ហោះប្រភេទ A321neo ស៊ីសាំងតិច ដែលអាចផ្ទុកអ្នកធ្វើដំណើរ រហូតដល់ទៅ២៤០នាក់ មានកម្រិតតែមួយ ដែលមានសមត្ថភាពកាន់តែប្រសើរ និងតម្លៃប្រតិបត្តិការកម្រិតទាបបំផុត៕