(ភ្នំពេញ)៖ រថយន្តយីឌុបមួយគ្រឿង ពេលកំពុងចុះពីស្ពានមុនីវង្សថ្មី ស្រាប់តែជាន់ហ្វ្រាំងមិនជាប់ ជ្រុលបុករបាំងថ្ម ដែលគរទុកចោល លើខឿនបណ្តាលឲ្យបាក់២កង់ ហើយជ្រុលបុកគូថរថយន្តតាក់ស៊ី មួយគ្រឿងទៀត ព្រមទាំងពេលនោះមានម៉ូតូមួយគ្រឿង បើកលឿន ចាប់ហ្វ្រាំងរអិលដួលចូលក្រោមរថយន្តបង្ក តែសំណាងល្អ មិនមាននរណារងរបួសនោះទេ។ ករណីគ្រោះថ្នាក់នេះ កើតឡើងនៅវេលាម៉ោង៣៖៣០នាទីរសៀលថ្ងៃទី១២ ខែកក្កដា ឆ្នាំ២០១៦ ស្ថិតនៅគល់ស្ពានមុនីវង្សថ្មី ក្នុងសង្កាត់ច្បារអំពៅទី១ ខណ្ឌច្បារអំពៅ។
ភ្លាមៗនោះ សមត្ថកិច្ចប្រចាំការសម្រួលចរាចរណ៍ នៅចំណុចកើតហេតុ បានប្រញាប់អូសយករថយន្តបង្ក និងរថយន្តរងគ្រោះ ព្រមទាំងម៉ូតូ មកនៅអធិការដ្ឋាននគរបាលខណ្ឌច្បារអំពៅ ដើម្បីដោះស្រាយសំណង និងការខូចខាតជាក្រោយ៕
