មនុស្ស១៣នាក់ត្រូវបានឃាត់ខ្លួន ពាក់ព័នបទល្មើសជួញដូរ និងប្រើប្រាស់គ្រឿងញៀន នៅថ្ងៃទី១០ ខែកក្កដាម្សិលមិញ

11-07-2016 06:57

(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀន ប្រចាំថ្ងៃទី១០ ខែកក្កដា ឆ្នាំ២០១៦ (គិតត្រឹមម៉ោង១៦ល្ងាច) របស់អគ្គស្នងការនគរបាលជាតិបានឲ្យដឹងថា នៅថ្ងៃម្សិលមិញកម្លាំងនគរបាល បានបង្ក្រាបបទល្មើសជួញដូរ រក្សាទុក និងប្រើប្រាស់៦ករណី ឃាត់មនុស្ស១៣នាក់ ក្នុងនោះមុខសញ្ញាជួញដូរ៣នាក់ និងមុខសញ្ញាប្រើប្រាស់១០នាក់ ដកហូតថ្នាំញៀន មេតំហ្វេតាមីន (ice) ៦.៨២ក្រាម និង១២កញ្ចប់តូច។

ជនសង្ស័យទាំងនោះ ត្រូវបានឃាត់ខ្លួនដោយ កម្លាំងនគរបាលមន្ទីរប្រឆាំងគ្រឿងញៀន បង្ក្រាប១ករណី ឃាត់ខ្លួនម្នាក់, រាជធានីភ្នំពេញបង្ក្រាប២ករណី ឃាត់ខ្លួន៦នាក់ និងខេត្តសៀមរាប បង្ក្រាប៣ករណីឃាត់ខ្លួន៦នាក់៕