មនុស្ស១៤នាក់ត្រូវបានឃាត់ខ្លួន ពាក់ព័ន្ធករណីជួញដូរ និងប្រើប្រាស់គ្រឿងញើន នៅថ្ងៃទី០៩ ខែកក្កដាម្សិលមិញ

10-07-2016 09:04

(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀន ប្រចាំថ្ងៃទី៩ ខែកក្កដា ឆ្នាំ២០១៦ (គិតត្រឹមម៉ោង១៦ល្ងាច) របស់អគ្គស្នងការនគរបាលជាតិ បានឲ្យដឹងថា នៅថ្ងៃម្សិលមិញ កម្លាំងនគរបាលជាតិ បានបង្ក្រាបបទល្មើសជួញដូរ រក្សាទុក និងប្រើប្រាស់៨ករណី ឃាត់មនុស្ស១៤នាក់ (ស្រី២នាក់) ក្នុងនោះមុខសញ្ញាជួញដូរ៦នាក់ និង មុខសញ្ញាប្រើប្រាស់៨នាក់ ដកហូតថ្នាំមេតំហ្វេតាមីន (ice) ២កញ្ចប់ធំ និង២៥កញ្ចប់តូច។

ជនសង្ស័យទាំងនោះត្រូវបានឃាត់ខ្លួនដោយ នគរបាលរាជធានីភ្នំពេញ បង្ក្រាប៣ករណី ឃាត់ខ្លួន៣នាក់, ខេត្តកណ្ដាលបង្ក្រាប១ករណី ឃាត់ខ្លួន៣នាក់, ខេត្តកំពង់ឆ្នាំងបង្ក្រាប១ករណី ឃាត់ខ្លួនម្នាក់, ខេត្តព្រះវិហារបង្ក្រាប១ករណី ឃាត់ខ្លួនម្នាក់ និងខេត្តសៀមរាបបង្ក្រាប២ករណី ឃាត់ខ្លួន៦នាក់៕