(ភ្នំពេញ)៖ ពន្លឺដ៏ត្រកាលនៅគ្រប់ទីកន្លែងក្នុងពិភពលោក គឺជានិមិត្តសញ្ញានៃ អរិយធម៌ អនាគត និងក្តីសង្ឃឹម ប៉ុន្តែគ្មាននរណាម្នាក់អាចបង្ហាញវាបានល្អជាង "Sichuan - Lantern Fantasy" ដ៏ល្បីល្បាញលើពិភពលោកនោះទេ។
Sichuan Lantern Fantasy គឺជាការបង្ហាញសកម្មភាពវប្បធម៌ដ៏មានប្រជាប្រិយភាពធំបំផុតមួយនៅក្នុងប្រទេសចិន ដែលអាចទាក់ទាញមនុស្សមកពីជុំវិញពិភពលោក។ Lantern Fantasy នឹងប្រារព្ធឡើងនៅទីក្រុងភ្នំពេញនៃប្រទេសកម្ពុជា ជាលើកដំបូងដែលនាំយកមកជាមួយនិងវប្បធម៌ Deyang, ក្រុមអភិវឌ្ឍន៍ឧស្សាហកម្មទេសចរណ៍ និងសុខភាព, Lantern Fantasy Culture Management Co, Ltd. និងក្រុមហ៊ុនសហគ្រាសរួមបញ្ចូលគ្នាពីប្រទេសកាណាដា និងគ្រប់គ្រងដោយ ENGAGE by Universal Alliance Co. Ltd. ចាប់ពីថ្ងៃទី១ ខែឧសភា ដល់ថ្ងៃទី៣១ ខែកក្កដា ឆ្នាំ២០២៣។
ប្រវត្តិនៃចង្កៀងគោមនៅក្នុងខេត្ត ស៊ីឈ័ន (Sichuan) ត្រូវបានបង្កើតឡើងក្នុងរាជវង្សថាង ក្នុងឆ្នាំ៦១៨-៩០៧ និងរាជវង្សសុង ក្នុងឆ្នាំ៩៦០-១២៧៩ ហើយបច្ចុប្បន្ននេះត្រូវបានអភិវឌ្ឍទៅជាសកម្មភាពវប្បធម៌ជាមួយនឹងការសំដែងផងដែរ។ ក្នុងនោះផងដែរ វប្បធម៌ Deyang, ក្រុមអភិវឌ្ឍន៍ឧស្សាហកម្មទេសចរណ៍ និងសុខភាព មកពីខេត្ត ស៊ីឈ័ន ក្នុងប្រទេសចិន ត្រូវបានគេស្គាល់ថាជាក្រុមល្បីល្បាញទូទាំងពិភពលោកសម្រាប់ការរៀបចំពិធីបុណ្យបង្ហោះគោមជាផ្លូវការ ព្រមទាំង ពិធីបុណ្យខ្លាឃ្មុំផេនដាចិន និងពិធីបុណ្យបង្ហោះគោមជាសកលនៅក្នុងប្រទេសចិនផ្សេងៗទៀត។
ក្រុមហ៊ុន និងបុត្រសម្ព័ន្ធរបស់ខ្លួន បានរៀបចំ "ពិធីបុណ្យបង្ហោះគោមចិន" នៅជាង ៥០ទីក្រុង ក្នុងចំណោម ១៨ប្រទេស ជុំវិញពិភពលោក ហើយបានរៀបចំការតាំងពិព័រណ៍ និងពិព័រណ៍ចង្កៀងគោមជាច្រើនប្រភេទផ្សេងៗគ្នា នៅជាង ២០០ទីក្រុងនៅក្នុងប្រទេស។
មហោស្រពចង្កៀងគោមចិនដ៏ពិសេសនេះ រួមបញ្ចូលគ្នានូវសំឡេងអន្តរកម្ម បច្ចេកវិទ្យាពន្លឺ សិល្បៈច្នៃប្រឌិត ការអប់រំ និងវប្បធម៌ ហើយបានទទួលពានរង្វាន់ជាច្រើនពីប្រទេសជុំវិញពិភពលោក ក្នុងនោះរួមមានចក្រភពអង់គ្លេស និងសហរដ្ឋអាមេរិក។
កម្មវិធីពិព័រណ៍ចង្កៀងគោមដែលមានលក្ខណៈស្រដៀងគ្នានេះ បានធ្លាប់បង្ហាញខ្លួន ប្រទេសអូស្ត្រាលី អៀរឡង់ ជប៉ុន អាមេរិកខាងត្បូង បារាំង អាល្លឺម៉ង់ ហើយឥឡូវនេះ បានមកដល់កម្ពុជាជាលើកដំបូង។
Lantern Fantasy នឹងធ្វើឱ្យអ្នក និងក្រុមគ្រួសាររបស់អ្នកមានភាពសប្បាយរីករាយ ជាមួយនឹងកម្មវិធីកម្សាន្តផ្សេងៗ ដូចដែលអ្នកបានឃើញជាឧទាហរណ៍ពីកម្មវិធីរបស់ពួកគេជុំវិញពិភពលោក។ កម្មវិធីនោះរួមមានអាហារ និងភេសជ្ជៈ វីដេអូ និងការថតរូបជាច្រើន ដែលនឹងធ្វើឲ្យអ្នក និងក្រុមគ្រួសារពេញចិត្តជាក់ជាមិនខាន។
Lantern Fantasy នឹងប្រារព្ធធ្វើឡើងនៅ ឧទ្យាន Dinosaurs Alive ស្ថិតនៅខាងជ្រោយចង្វារ ចាប់ពីថ្ងៃទី១ ខែឧសភា ដល់ថ្ងៃទី៣១ ខែកក្កដា ឆ្នាំ២០២៣ ដែលមានរយៈពេល ៣ខែ ហើយបើកពីម៉ោង ១០ព្រឹក ដល់ ១០យប់ ជារៀងរាល់ថ្ងៃ។ តម្លៃនៃការចូលរួមទស្សនាអាចចន្លោះពី ៥ដុល្លារអាមេរិកហើយរំពឹងនឹងមានមនុស្សជាង ៥០០,០០០ មកទស្សនាព្រឹត្តិការណ៍ដ៏ល្បីនេះ ក្នុងរយៈពេល ៣ខែ។
សម្រាប់ក្រុមហ៊ុនដែលមានចំណាប់អារម្មណ៍ផ្តល់ការឧបត្ថម្ភ ក៏ដូចជាក្លាយជាចំណែកមួយនៃព្រឹត្តិការណ៍ដ៏រំភើបនេះ សូមទំនាក់ទំនងទៅកាន់លេខទូរស័ព្ទ (០៨១) / (០៨៩) ៩២៩ ៣៦៩ / ០១៦ ៤៥៨ ២០១។
