(ក្រចេះ)៖ មានហេតុការណ៍លិចទូកនៅកណ្ដាលទន្លេមេគង្គ កាលពីវេលាម៉ោង៤ល្ងាច ថ្ងៃទី៥ ខែមេសា ឆ្នាំ២០២៣ នៅឃុំកោះច្រែង ស្រុកចិត្របុរី ខេត្តក្រចេះ បណ្ដាលឲ្យជនរងគ្រោះម្នាក់ បាត់ខ្លួន រហូតមកដល់ពេលនេះនៅរកមិនទាន់ឃើញនៅឡើយ ខណៈជនរងគ្រោះ៤នាក់ផ្សេងទៀតត្រូវបានជួយសង្គ្រោះទាន់។
យោងតាមរបាយការណ៍នគរបាលបញ្ជាក់ឲ្យដឹងថា ជនរងគ្រោះ៥នាក់ បានធ្វើដំណើរតាមទូកចេញពីឃុំកោះច្រែង ទៅស្រុកព្រែកប្រសព្វ ដើម្បីទិញដែក ពេលត្រឡប់មកដល់ ឃុំកោះច្រែងវិញ ទន្លេមានខ្យល់បក់ខ្លាំង នាំឲ្យមានរលកធំៗបណ្តាលឲ្យទូកនោះលិចនៅកណ្តាលទន្លេ ប៉ុន្តែភ្លាមៗជនរងគ្រោះ៤នាក់ ត្រូវបានជួយសង្គ្រោះទាន់ ខណៈជនរងគ្រោះម្នាក់ទៀតរកមិនទាន់ឃើញនៅឡើយ។
ជនរងគ្រោះទាំង៥នាក់រួមមាន៖
*ទី១៖ ឈ្មោះ លន់ ខេមរា អាយុ១៧ឆ្នាំ (បានបាត់ខ្លួន)
*ទី២៖ ឈ្មោះ ម៉ក កក្កដា អាយុ១៧ឆ្នាំ (អ្នកបើកទូក) ត្រូវបានជួយសង្គ្រោះ
*ទី៣៖ ឈ្មោះ មាស បញ្ញា អាយុ១៩ឆ្នាំ (អ្នករួមដំណើរ) ត្រូវបានជួយសង្គ្រោះ
*ទី៤៖ ឈ្មោះ អូន សុភក្រ្ក អាយុ១៩ឆ្នាំ (អ្នករួមដំណើរ) ត្រូវបានជួយសង្គ្រោះ
*ទី៥៖ ឈ្មោះ ទិត្យ ជីវន្ត័ អាយុ១៦ឆ្នាំ (អ្នករួមដំណើរ) ត្រូវបានជួយសង្រ្គោះបានហើយ។ អ្នកទាំង៥នាក់រស់នៅឃុំកោះច្រែង ស្រុកចិត្របុរី ខេត្តក្រចេះ។
តាមរបាយការណ៍បញ្ជាក់ទៀតថា ជនរងគ្រោះឈ្មោះ លន់ ខេមរា ភេទប្រុស អាយុ១៧ឆ្នាំ គិតត្រឹមវេលាម៉ោង១១ និង៣០នាទីថ្ងៃត្រង់នេះ នៅមិនទាន់រកឃើញនៅឡើយទេ ខណៈសមត្តកិច្ចកំពុងតែរុករកបន្ត៕
