(ភ្នំពេញ)៖ ទេស​រដ្ឋមន្ត្រី​ ស៊ុន​ ចាន់​ថុ​ល​ រដ្ឋមន្ត្រី​ក្រសួង​សាធារណការ​ និង​ដឹក​ជញ្ជូន​ បានបញ្ជាក់ឲ្យដឹងថា ក្រសួង​បាន​ទិញ​ស្ទី​គ័​រចំណាំងផ្លាត ​ចំនួន​៣​លាន​សន្លឹក ​ដែល​ជា​ការ​ឧបត្ថម្ភ​របស់​ក្រុមហ៊ុន​ជីប​ម៉ុង​ ដែលមាន​តម្លៃ​១២​ម៉ឺន​ដុល្លារ​អា​មេ​រិ​ក ចែកជូនប្រជាពលរដ្ឋទូទាំងប្រទេស ដែល​ប្រើប្រាស់​គោ​យន្ត​ រឺ​ម៉ក​ម៉ូតូ​ កង់​ និង​ រទេះគោ​ដែល​គ្មាន​ភ្លើង​បំភ្លឺ​នៅ​ពេល​យប់ សម្រាប់​បិត​ការពារ​ គ្រោះថ្នាក់​ចរាចរណ៍។

ការបញ្ជាក់របស់ទេស​រដ្ឋមន្ត្រី​ ស៊ុន​ ចាន់​ថុ​ល បានធ្វើឡើង នៅ​ក្នុង​កិច្ចប្រជុំ​បូក​សរុប​លទ្ធផល​ ត្រួតពិនិត្យ​ការ​អនុវត្ត​ច្បាប់​ចរាចរណ៍​ផ្លូវ​គោ​គ ​ប្រចាំឆមាស​ទី​១​ ឆ្នាំ​២០១៦​ របស់​គណៈ​ក​ម្មា​ធិ​ការ​សុវត្ថិភាព​ចរាចរណ៍​ផ្លូវគោក​ នៅថ្ងៃ​ទី​៧​ ខែកក្កដា​ នៅ​ទីស្តីការ​ក្រសួងមហាផ្ទៃ។

លោក ស៊ុន​ ចាន់​ថុ​ល ​បានបន្តឲ្យដឹងថា នៅ​ពេល​ឆាប់ៗ​ខាង​មុខ​នេះ​ប្រជាពលរដ្ឋ​ទូ​ទាំង​ប្រទេស​ ដែល​ប្រើប្រាស់​គោ​យន្ត​ រឺ​ម៉ក​ម៉ូតូ​ កង់​ និង​ រទេះគោ​ដែល​គ្មាន​ភ្លើង​បំភ្លឺ​នៅ​ពេល​យប់​នឹង​ទទួល​បាន​ស្ទី​គ័​រ​ ចំណាំងផ្លាត​សម្រាប់​បិត​ការពារ​ គ្រោះថ្នាក់​ចរាចរណ៍​នៅ​ពេល​យប់​ ពី​ក្រសួង​សាធារណការ​ និង​ដឹក​ជញ្ជូន​ដោយ​ឥត​គិតថ្លៃ​ ដើម្បី​បញ្ជៀ​សរាល់​គ្រោះថ្នាក់​ចរាចរណ៍​ជាយថាហេតុ​ ដែល​កន្លង​មក​គ្រោះថ្នាក់​ភាគច្រើន​កើតឡើង​ទៅ​លើ​គោ​យន្ត ​ដែល​សារ​តែ​គ្មាន​ភ្លើង​បំភ្លឺ​។​

គ្រោះថ្នាក់​ចរាចរណ៍​ភាគច្រើន​កើតឡើង​ដោយសារ​ការ​មើល​ មិនឃើញ​នៅ​ពេល​យប់ ​ដូច្នេះ​ពេល​បិត​ស្ទី​គ័​រ​នេះ​ ទៅ​វា​នឹង​មាន​ពន្លឺ​ចំណាំងផ្លាត​ ពេល​ឡាន​បើក​ទៅ​នឹង​អាច​ដឹង​ថា​ មាន​គោ​យន្ត​ មាន​រឹ​ម៉ក​ម៉ូតូ​ កង់​ និង​រទេះគោ​ជាដើម ​វា​នឹង​អាច​បញ្ជៀ​សបាន​នូវ​គ្រោះថ្នាក់​។​

គួរបញ្ជាក់ថា ​​​ស្ទី​គ័​រ​ចំណាំងផ្លាត ចំនួន៤០ម៉ឺនសន្លឹកបន្ថែមទៀត ត្រូវបានក្រុមហ៊ុន​ MITSUBISHI​ ឧបត្ថម្ភដល់ក្រសួងសាធារណការផងដែរ។ ស្ទី​គ័​រ​នេះ​កម្ម​ង់​ទិញ​ពី​សៀង​ហៃ​ ប្រទេស​ចិន​ ហើយនឹង​មក​ដល់​កម្ពុជា ​នៅ​អាទិត្យ​ក្រោយ​នេះ​គឺ​ថ្ងៃ​ទី​១៥​ ខែកក្កដា​ខាង​មុខ​ ហើយ​ស្ទី​គ័​រ​នេះ​ ធានា​បិត​ជាប់​បាន​៣​ឆ្នាំ​៕