(ភ្នំពេញ)៖ សិក្ខាសាលាស្តីពី បែបបទ និងនីតិវិធីនៃការស្នើសុំវិញ្ញាបនបត្របញ្ជាក់ប្រភពដើមទំនិញ​ (CO) ត្រូវបានសហការរៀបចំដោយសមាគមស្បែកជើងកម្ពុជា និងក្រសួងពាណិជ្ជកម្ម​ នៅសាលប្រជុំ​ GC LIFE Insurance plc ។

សិក្ខាសាលនេះ ត្រូវបានរៀបចំឡើងដោយមានវាគ្មិន គឺលោក ស៉ី បាទិត្យ​ អនុប្រធាននាយកដ្ឋាននាំចេញ​ នាំចូល និងលោក សុខ ពិសី ប្រធានការិយាល័យបច្ចេកទេស​ និងចុះបញ្ជីនាយកដ្ឋាននាំចេញនាំចូល។

វាគ្មិនទាំងពីរ បានផ្សព្វផ្សាយ និងណែនាំពីបែបបទ​ និងនីតិវិធីមួយចំនួនដូចជា​ ការចុះបញ្ជីក្រុមហ៊ុនសុំសិទ្ឋិនាំចេញតាមប្រព័ន្ឋអនុគ្រោះពាណិជ្ជកម្ម​ ការគ្រប់គ្រងវត្ថុធាតុដើមសម្រាប់ផលិតកម្ម និងការចេញវិធានដើមកំណើតទំនិញ​ ជូនដល់សមាជិក​ សមាជិកានៃសមាគមស្បែកជើងកម្ពុជា​ សមាគមផលិតផលធ្វើដំណើរ និងស្បែកនៅកម្ពុជា​ អ្នកនាំចេញ និងវិស័យដឹកជញ្ជូន ចំនួន៩០ក្រុមហ៊ុន សរុបជាង១០០នាក់ ដែលបានអញ្ជើញចូលរួមដោយផ្ទាល់​ និងតាមប្រព័ន្ឋវីដេអូ៕