(ភ្នំពេញ)៖ រហូតដល់ម៉ោងជិត៦៖០០ល្ងាច ថ្ងៃទី០៥ ខែកក្កដា ឆ្នាំ២០១៦នេះ អគ្គិភ័យដែលឆាបឆេះ នៅហាង Park Café ផ្លូវត្រសក់ផ្អែម រាជធានីភ្នំពេញ បានរលត់ទាំងស្រុងហើយ បន្ទាប់​ពីសមត្ថកិច្ចអន្តរាគមន៍ទាន់ពេល ដោយប្រើប្រាស់រថយន្តពន្លត់អគ្គិភ័យ៦គ្រឿង ក្នុងចំណោមរថយន្ត១០គ្រឿងដែលបានទៅកាន់កន្លែងកើតហេតុ។ នេះបើតាមការអះអាងរបស់សមត្ថកិច្ច។

សមត្ថកិច្ចពន្លត់អគ្គិភ័យ បានឱ្យដឹងថា ករណីនេះបានកើតឡើងដោយសារតែផ្ទុះធុងហ្គាស ប៉ុន្តែយ៉ាងណា សមត្ថកិច្ចពុំបានបញ្ជាក់អំពីទំហំខូចខាតយ៉ាងណាទេ។ ករណីនេះ ក៏មិនបានបង្ក​ឱ្យមានគ្រោះ​ថ្នាក់ដល់អតិថិជន ឬបុគ្គលិកដែរ។

សូមបញ្ជាក់ថា អគ្គិភ័យខាងលើនេះ បានឆាបឆេះត្រឹមមួយរយៈពេលខ្លីប៉ុណ្ណោះ៕