(ភ្នំពេញ)៖ នៅថ្ងៃទី១៥ ខែមីនា ឆ្នាំ២០២៣នេះ ក្រុមហ៊ុនអាកាសចរណ៍ជាតិកម្ពុជា អង្គរ អ៊ែរ បានប្រកាសអំពីជើងហោះហើរថ្មីមួយរវាង រាជធានីភ្នំពេញ និងទីក្រុងម៉ាកាវ សាធារណរដ្ឋប្រជាមានិតចិន ដែលមានជើងហោះហើរលេខ K6 196 ដោយប្រើយន្តហោះប្រភេទ Airbus A320 ហើយត្រូវចេញដំណើរពីអាកាសយានដ្ឋានអន្តរជាតិភ្នំពេញ នៅម៉ោង ០៩:២០ ត្រូវចុះចតនៅអាកាសយានដ្ឋានអន្តរជាតិម៉ាកាវ នៅម៉ោង ១៣:០០ យន្តហោះត្រឡប់មកវិញនៅម៉ោង ១៤:០០ ហើយមកដល់រាជធានីភ្នំពេញ នៅម៉ោង ១៥:៤៤០។

សូមជម្រាបផងដែរថា កម្ពុជា អង្គរ អ៊ែរ នឹងមានប្រតិបត្តិការហោះហើរត្រង់ទៅទីក្រុងម៉ាកាវម្តងទៀត នៅថ្ងៃទី២២ ខែមីនា ហើយចាប់ពីថ្ងៃទី២៩ ខែមីនា ដល់ថ្ងៃទី០៦ ខែឧសភា ឆ្នាំ២០២៣ ក្រុមហ៊ុននឹងហោះហើរទៅកាន់ទីក្រុងម៉ាកាវចំនួន ២ជើងក្នុងមួយសប្តាហ៍ នៅរៀងរាល់ថ្ងៃពុធ និងថ្ងៃសៅរ៍។ ទន្ទឹមនឹងនេះ ក្រៅពីជើងហោះហើរទៅទីក្រុងម៉ាការ ក្រុមហ៊ុនក៏នៅមានជើងហោះហើរផ្សេងទៀត ពីភ្នំពេញទៅកាន់ប្រទេសចិនដូចជា៖ ក្វាងចូវ ចិនចូវ ណាននីង ហៃគូ និងសៀងហៃផងដែរ។

សូមទំនាក់ទំនងទិញសំបុតយន្តហោះរបស់កម្ពុជា អង្គរ អ៊ែរ ដោយចូលទៅកាន់៖ គេហទំព័រ៖ www.cambodiaangkorair.com, ទីស្នាក់ការកណ្តាលនៅប្រទេសកម្ពុជា៖ (+855) 23 6666 789, ការិយាល័យនៅប្រទេសវៀតណាម៖ (+84) 28 35471 767
ការិយាល័យនៅប្រទេសចិន៖ (+86) 20 8331 0123 / (+86) 20 8331 2213។

អ៉ីម៉ែល [email protected]