(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀន ប្រចាំថ្ងៃទី០២ ខែកក្កដា ឆ្នាំ២០១៦ (គិតត្រឹមម៉ោង១៦ល្ងាច) របស់អគ្គស្នងការនគរបាលជាតិ បានឲ្យដឹងថា នៅថ្ងៃម្សិលមិញ កម្លាំងនគរបាលជាតិ បានបង្ក្រាបបទល្មើសជួញដូរ រក្សាទុក និងប្រើប្រាស់៧ករណី ឃាត់មនុស្ស១៤នាក់ (ប្រុស) ក្នុងនោះមុខសញ្ញាជួញដូរ១១នាក់ និងមុខសញ្ញាប្រើប្រាស់៣នាក់ ដកហូតមេតំហ្វេតាមីន (ice) ៤.១៦ក្រាម និង១៩កញ្ចប់តូច។
ជនសង្ស័យទាំងអស់នោះត្រូវបានឃាត់ខ្លួនដោយ កម្លាំនគរបាល៖ មន្ទីរប្រឆាំងគ្រឿងញៀន បង្ក្រាប១ករណី ឃាត់ខ្លួនម្នាក់, ភ្នំពេញបង្ក្រាប២ករណី ឃាត់ខ្លួន៨នាក់, កំពង់ចាម បង្ក្រាប២ករណី (១ដីកា) ឃាត់ខ្លួន២នាក់, ព្រៃវែងបង្ក្រាប១ករណី ឃាត់ខ្លួនម្នាក់ និងត្បូងឃ្មុំ បង្ក្រាប១ករណី ឃាត់ខ្លួន២នាក់៕
