(ដាកា)៖ យោងតាមការចេញផ្សាយ Update របស់ CNN នៅមុននេះបន្តិចបានឲ្យដឹងថា មានចំណាប់​ខ្មាំង​មួយ​ចំនួនត្រូវបានរំដោះ និងសាកសព​ចំនួន ៥ ត្រូវបានរកឃើញនៅក្នុងប្រតិបត្តិការរំដោះ ចំណាប់ខ្មាំងចេញ​ពីក្រុមខ្មាន់កាំភ្លើង នៅក្នុង​ហាង​កាហ្វេ​មួយ​កន្លែងក្នុងទីក្រុងរដ្ឋធានីដាកា ប្រទេសបង់ក្លាដែស។

មិនទាន់មានតួលេខច្បាស់លាស់ពីចំនួនចំណាប់ខ្មាំងដែលត្រូវរំដោះនោះទេ ប៉ុន្តែទូរទស្សន៍ក្នុងស្រុក​បាន​ចេញ​ផ្សាយថា យ៉ាងហោចណាស់ចំណាប់ខ្មាំង ១០នាក់ ត្រូវបានជួយសង្គ្រោះ និងបញ្ជួនទៅកាន់មន្ទីរពេទ្យ ខណៈ​ការឡោមព័ន្ធ និងសម្រុកចូលរំដោះចំណាប់ខ្មាំងនៅតែបន្ត។

ស្របពេលជាមួយគ្នានោះផងដែរ គេឮសំឡេងផ្ទុះមួយចេញពីភោជនីយដ្ឋានខាងលើ ដោយគេសង្ស័យថា អាចជាការបំផ្ទុះគ្រាប់បែក ឬការបាញ់តបតគ្នាដោយប្រើអាវុធធុនធ្ងន់។

គួរបញ្ជាក់ផងដែរថា ក្រុមសកម្មប្រយុទ្ធ ISIS បានចេញមុខទទួលខុសត្រូវ និងអះអាងថាពួកគេជាអ្នករៀបចំឲ្យមានការ វាយប្រហារនេះឡើយ។ ភ្នាក់ងារ BBC នៅទីក្រុងដាកា បានលើកឡើងនៅព្រឹកថ្ងៃសៅរ៍នេះថា ប៉ូលិស បង់ក្លាដែស ២នាក់ហើយបានស្លាប់ដោយសារតែការប្រយុទ្ធតស៊ូ នឹងខ្មាន់កាំភ្លើង៕