(កណ្តាល)៖ កញ្ញា ធី សុវណ្ណថា ប្រធានអង្គការ «យុវជន និងកិច្ចការសង្គម» និងជាសកម្មជនរបស់បក្សប្រឆាំងបានប្រកាសថា លោក កឹម សុខា ប្រធានស្តីទីគណបក្សសង្រ្គោះជាតិ កំពុងឃុំខ្លួនឯងក្នុងបន្ទប់បួនជ្រុង ដូចជាប់គុក។
ការលើកឡើងរបស់ កញ្ញា ធី សុវណ្ណថា បានធ្វើឡើងនៅក្នុងវេទិកាសាធារណៈ នៅស្រុកខ្សាច់កណ្តាល ខេត្តកណ្តាល នៅព្រឹកថ្ងៃទី០១ ខែកក្កដា ឆ្នាំ២០១៦នេះ ដោយមានប្រជាពលរដ្ឋ ពលរដ្ឋនិងយុវជន ចូលរួមជាងមួយពាន់នាក់ចូលរួម។ កញ្ញា ធី សុវណ្ណថា បានបញ្ជាក់ទៀតថា ពលរដ្ឋនៅស្រុកនេះ មិនគាំទ្របក្សសង្គ្រោះជាតិទៀតទេ។
សូមជំរាបថា កញ្ញា ធី សុវណ្ណថា តែងតែអំពាវនាវឱ្យប្រជាពលរដ្ឋ ចូលរួមទាមទារឱ្យ លោក កឹម សុខា ប្រធានស្តីទីគណបក្សសង្រ្គោះជាតិ ហ៊ានចេញមុខ ទទួលខុសត្រូវ ចំពោះមុខច្បាប់ចំពោះទង្វើអាក្រក់ ពាក់ព័ន្ធនឹងរឿងអាស្រូវផ្លូវភេទជាមួយកញ្ញា ស្រីមុំ។
នៅក្នុងរយៈពេលចុងក្រោយនេះ កញ្ញា ធី សុវណ្ណាថា បានធ្វើដំណើររៀបចំ វេទិកាសាធារណជាច្រើនកន្លែង នឹងនៅតាមបណ្តាខេត្តនានា ដោយទាញបានប្រជាប្រិយភាពជាច្រើន ពីបណ្តាបងប្អូនប្រជាពលរដ្ឋ៕
