(កំពង់ឆ្នាំង)៖ ព្រះគ្រូមុនីធម្មរង្សី ម៉ន សំណាង ទីប្រឹក្សាផ្ទាល់សម្តេចព្រះមហាសុមេធាធិបតីកិត្តិឧទ្ទេសបណ្ឌិត នន្ទ ង៉ែត សម្តេចព្រះសង្ឃនាយកនៃព្រះរាជាណាចក្រកម្ពុជា និង ជាជំនួយការសាលាគណខេត្តកំពង់ឆ្នាំង និងជាព្រះចៅអធិការវត្តទម្លាប់ ស្រុកសាមគ្គីមានជ័យនាថ្ងៃទី៧ ខែកុម្ភៈ ឆ្នាំ២០២៣ បាននាំយកទឹកបរិសុទ្ធចំនួន ២០កេស និងភេសជ្ជៈចំនួន១០កេស មី១០កេស ឧបត្ថម្ភដល់ស្នាក់ការគណបក្សប្រជាជនកម្ពុជាខេត្តកំពង់ឆ្នាំង។
ពិធីនេះក៏មានការចូលរួមអមដំណេីរដោយលោក សរ លាង ប្រធានមន្ទីរធម្មការ និងសាសនាខេត្តកំពង់ឆ្នាំង និងព្រះសិរីមង្គលមុនី ម៉ុច សៅលី ទីប្រឹក្សាគណៈសង្ឃនាយក គណៈមហានិកាយនៃព្រះរាជាណាចក្រកម្ពុជា និងជាព្រះជំនួយការសាលាគណខេត្តកំពង់ឆ្នាំង។
នាឱកាសនោះលោក ឡុង ឈុនឡៃ អនុប្រធានគណៈ
កម្មាធិការគណបក្សប្រជាជនកម្ពុជាខេត្តកំពង់ឆ្នាំង ក៏បានថ្លែងអំណរព្រះគុណយ៉ាងជ្រាវជ្រៅដល់ព្រះគ្រូមុនីធម្មរង្សី ម៉ន សំណាង ព្រះសិរីមង្គលមុនី ម៉ុច សៅលី និង លោក សរ លាង ដែលបានជួយឧបត្ថម្ភទឹកសុទ្ធ ភេសជ្ជៈ មី និងថវិកា សម្រាប់បម្រើការងាររដ្ឋបាលប្រចាំថ្ងៃនៅស្នាក់ការបក្ស។
លោក ឡុង ឈុនឡៃ ក៏បានប្រគេនពរដល់ព្រះគ្រូមុនីធម្មរង្សី ម៉ន សំណាង ព្រះសិរីមង្គលមុនី ម៉ុច សៅលី
និងលោក សរ លាង សូមមានព្រះសុខភាពល្អ សុខភាពល្អ ដើម្បីចូលរួមចំណែកអភិវឌ្ឍន៍វិស័យព្រះពុទ្ធសាសនាឱ្យកាន់តែទទួលបានសមិទ្ធផលថ្មីៗថែមទៀតផងដែរ៕
