(ភ្នំពេញ)៖ គណបក្សប្រជាជនកម្ពុជា ប្រារព្ធខួបលើកទី៦៥ឆ្នាំ នៃការបង្កើតគណបក្ស (១៩៥១-២០១៦) នៅទីស្នាក់ការកណ្ដាលបក្ស នៅព្រឹកថ្ងៃទី២៨ ខែមិថុនា ឆ្នាំ២០១៦នេះ ដោយមានសមាជិក សមាជិកា ចូលរួមប្រមាណជា១ម៉ឺននាក់។
អ្នកនាំពាក្យគណបក្សប្រជាជន បានឲ្យដឹងថា នៅក្នុងអង្គមិទ្ទិញនៅថ្ងៃទី២៨ ខែមិថុនានោះ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា នឹងឡើងថ្លែងសន្ទរកថា អំពីប្រវត្តិនៃការបង្កើតឡើងគណបក្ស ការតស៊ូ ស្នាដៃ និងគុណសម្បត្តិ បង្ហាញទៅដល់សមាជិក សមាជិកាឲ្យបានដឹង បានយល់ ចំពោះការខិតខំប្រឹងប្រែង របស់គណបក្សកន្លងមកផងដែរ។
Fresh News នឹងផ្សាយផ្ទាល់កម្មវិធីនេះ៕
