(ព្រះសីហនុ)៖ ក្រោមការបញ្ជារបស់​លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ, កម្លាំងការិយាល័យនគរបាលប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តព្រះសីហនុ បានឃាត់ខ្លួនជនសង្ស័យជាជនជាតិចិនចំនួន០២នាក់ ពាក់ព័ន្ធករណីគ្រឿងញៀន​ កាលពីថ្ងៃទី១១ ខែមករា ឆ្នាំ២០២៣​ នៅចំណុចភូមិ៣ សង្កាត់៤ ក្រុង-ខេត្តព្រះសីហនុ។

បេីតាមរបាយការណ៍ពីសមត្ថកិច្ច បានឱ្យដឹងថា​ ជនសង្ស័យទាំង២នាក់ មានឈ្មោះ៖

ទី១.៖ ឈ្មោះ Wu Dong ភេទប្រុស អាយុ៣៩ឆ្នាំ ជនជាតិចិន ទីលំនៅបច្ចុប្បន្ន ភូមិ៣ សង្កាត់៤ ក្រុង-ខេត្តព្រះសីហនុ។
និងទី២៖ ឈ្មោះ LIU ZHI YUAN ភេទប្រុស អាយុ ៣២ឆ្នាំ ជនជាតិចិន ទីលំនៅបច្ចុប្បន្នភូមិ៣ សង្កាត់៤ ក្រុង-ខេត្តព្រះសីហនុ។

វត្ថុតាងដកហូតបានរួមមាន៖ ម៉្សៅក្រាមសថ្លាសង្ស័យជាសារធាតុញៀនចំនួន ០២កញ្ចប់ ថ្នាំគ្រាប់ WY ចំនួន៣៩គ្រាប់ ជញ្ជីងថ្លឹង ចំនួន០១ ទូរស័ព្ទដៃចំនួន ២គ្រឿង។

បច្ចុប្បន្ននេះ ជនសង្ស័យខាងលេីកំពុងធ្វើការឃាត់ខ្លួននៅស្នងការដ្ឋាននគរបាលខេត្តព្រះសីហនុ ដេីម្បីធ្វេីការសាកសួរ​តាមនីតិវិធីបន្ត៕