(ព្រះសីហនុ)៖ សាខាកាកបាទក្រហមកម្ពុជាខេត្តព្រះសីហនុ បាននាំយកស័ង្កសី និងមីចែកជូនប្រជាពលរដ្ឋរងគ្រោះដោយខ្សល់កន្ទ្រាក់ដួលរលំផ្ទះទាំងស្រុងកាលពីថ្ងៃទី១៧ ដល់១៨ ខែធ្នូ ឆ្នាំ២០២២កន្លងមកនៅស្រុកព្រៃនប់ ខេត្តព្រះសីហនុ។

ការចែកអំណោយនេះដឹកនាំដោយលោក គាំ សុខុម នាយកសាខាកាកបាទក្រហមកម្ពុជាខេត្ត និងនិងលោក អ៉ី ធារិន អភិបាលស្រុកព្រៃនប់ តំណាងលោក គួច ចំរើន ប្រធានគណ:កម្មាធិការសាខាកាកបាទក្រហមកម្ពុជា ព្រមទាំងមានការចូលរួមពីមន្ត្រីសាខា អ្នកស្ម័គ្រចិត្ត និងអាជ្ញាធរមូលដ្ឋាន នៅរសៀលថ្ងៃទី១២ ខែមករា ឆ្នាំ២០២៣។

លោក គាំ សុខុម នាយកសាខាកាកបាទក្រហមកម្ពុជាខេត្តព្រះសីហនុ បានឱ្យដឹងថា ខ្យល់កន្ទ្រាក់បានធ្វើឱ្យដួលរលំផ្ទះប្រជាពលរដ្ឋនៅស្រុកព្រៃនប់អស់ចំនួន៤៣ខ្នង ហើយមកដល់បច្ចុប្បន្ននៅសល់ ២១ខ្នងផ្ទះផ្សេងទៀត នៅមិនទាន់បានសាងសង់ឡើងវិញនៅ ក្នុងស្រុកព្រៃនប់។ ដោយឡែកផ្ទះជិត៤ពាន់ខ្នងផ្សេងទៀត បានបើងដំបូលនៅក្នុងស្រុកព្រៃនប់ ក្នុងនោះក៏មានផ្ទះប្រជាពលរដ្ឋនៅស្រុកកំពង់សិលា ១១៤ខ្នងបានបើងដំបូលផងដែរ។

លោកបានបន្តថា ក្រោយមានគ្រោះធម្មជាតិនេះកើតឡើងភ្លាម លោក គួច ចំរើន បានចាត់ឲ្យនាំយកអំណោយសង្គ្រោះបន្ទាន់យកទៅចែកជូនបងប្អូនប្រជាពលរដ្ឋរងគ្រោះក្នុងស្រុកព្រៃនប់ និងស្រុកកំពង់សិលា ឲ្យទាន់ពេលវេលាដោយមិនទុកឱ្យប្រជាពលរដ្ឋណាម្នាក់ខ្វះខាតស្បៀងអាហារនោះទេ។

ទន្ទឹមនោះមន្រ្តីអាជ្ញាធរមូលដ្ឋាន បានតាមដានចុះស្រង់ស្ថិតិប្រជាពលរដ្ឋរងគ្រោះដោយខ្យល់កន្ទ្រាក់នៅតាមភូមិគោលដៅបានទាន់ ពេលវេលាដោយមិនមានការរើសអើង ប្រកាន់វណ្ណ ពូជសាសន៍ ឬនិន្នាការនយោ បាយ គឺធ្វើយ៉ាងណាយើងនាំយកអំណោយសង្គ្រោះចែកជូនប្រជាពលរដ្ឋបានទាន់ពេលវេលា។

សាខាកាកបាទក្រហមខេត្ត នឹងបន្តនាំយកស័ង្កសី និងមីយកទៅចែកជូនប្រជា ពលរដ្ឋដែលរងគ្រោះដួលរលំផ្ទះទាំង ស្រុកនៅក្នុងស្រុកព្រៃនប់បន្តទៀត ដើម្បីឱ្យប្រជាពលរដ្ឋមានទីជម្រកស្នាក់នៅសមរម្យឡើងវិញនៅពេលខាងមុខ។

អំណោយស័ង្កសី និងមីដែលបានយកទៅចែកជូនប្រជាពលរដ្ឋរងគ្រោះដោយខ្យល់កន្ទ្រាក់នៅឃុំវាលរេញ ស្រុកព្រៃនប់ រួមមាន៖

*ទី១៖ លោកស្រី ឡេង ភ័ន្ត អាយុ២៥ឆ្នាំ រស់នៅភូមិវាលធំ ឃុំវាលរេញ ស្រុកព្រៃនប់ ស័ង្កសីចំនួន ៦០សន្លឹក និងមី១កេសធំ
*ទី២៖ លោកស្រី ស៊ីណាន អាយុ៤៣ឆ្នាំ នៅភូមិវាលធំ ឃុំវាលរេញ ស្រុកព្រៃនប់ ស័ង្កសីចំនួន ៣១សន្លឹក មី ១កេសធំ
*ទី៣៖ លោកស្រី គង់ ទុន អាយុ៥៦ឆ្នាំ នៅភូមិវាលធំ ឃុំវាលរេញ ស្រុកព្រៃនប់ ស័ង្កសី ២០សន្លឹក មី ១កេសធំ
*ទី៤៖ លោក យឹម ធឿ អាយុ៦៨ឆ្នាំ ភូមិវាលធំ ឃុំវាលរេញ ស្រុកព្រៃនប់ ស័ង្កសី ៦០សន្លឹក មី ១កេសធំ
*ទី៥៖ លោក លីន សុលឿន អាយុ២១ឆ្នាំ ភូមិវាលធំ ឃុំវាលរេញ ស្រុកព្រៃនប់ ស័ង្កសី ៤០សន្លឹក មី ១កេសធំ
*ទី៦៖ លោក ផាន់ សុផាត អាយុ២២ឆ្នាំ ភូមិវាលធំ ឃុំវាលរេញ ស្រុកព្រៃនប់ ស័ង្កសី ២០សន្លឹក មី ១កេសធំ
*ទី៧៖ លោកស្រី មុច សន អាយុ ៤៣ឆ្នាំ ភូមិវាលធំ ស្រុកព្រៃនប់ ស័ង្កសី ១៤សន្លឹក ឃីតមនុស្ស ចាស់១ និងឃីតកុមារ១ អង្ករ ២៥គីឡូក្រាម ទឹកត្រី ទឹកស៊ីអ៊ីវ ត្រីខ ជែល ថវិកា ១០ម៉ឺនរៀល៕