(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀនប្រចាំថ្ងៃទី ២៤ ខែមិថុនា ឆ្នាំ២០១៦ (គិតត្រឹមម៉ោង១៦ល្ងាច) បានបញ្ជាក់ថា នៅថ្ងៃម្សិលមិញនេះ កម្លាំងនគរបាលជាតិ បានបង្ក្រាបបទល្មើសជួញដូរ រក្សាទុក និងប្រើប្រាស់៥ករណី ឃាត់មនុស្ស១២នាក់ ក្នុងនោះមុខសញ្ញាជួញដូរ ៦នាក់ មុខសញ្ញាប្រើប្រាស់៦នាក់ ដកហូតមេតំហ្វេតាមីន (ice) ៥០.៤ក្រាម។
គេហទំព័ររបស់អគ្គស្នងការនគរបាលជាតិបានបញ្ជាក់ថា ជនសង្ស័យទាំងនោះត្រូវឃាត់ខ្លួនដោយ៖ មន្ទីរប្រឆាំងគ្រឿងញៀនបង្ក្រាប១ករណី ឃាត់ខ្លួនម្នាក់, ខេត្តសៀមរាប បង្ក្រាប៣ករណី ឃាត់ខ្លួន៧នាក់ និងខេត្តតាកែវ១ករណី ឃាត់ខ្លួន៤នាក់៕
