(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀនប្រចាំថ្ងៃទី ២២ មិថុនា ២០១៦ (គិតត្រឹមម៉ោង១៦ល្ងាច) បានឲ្យដឹងថា នៅថ្ងៃទី២២ ខែមិថុនាម្សិលមិញនេះ កម្លាំងនគរបាលជាតិ បានបង្ក្រាបបទល្មើសជួញដូរ រក្សាទុក និងប្រើប្រាស់៩ករណី ឃាត់មនុស្ស១១នាក់ មុខសញ្ញាជួញដូរ៦នាក់ មុខសញ្ញាប្រើប្រាស់៥នាក់ និងដកហូតមេតំហ្វេតាមីន (ice) ២កញ្ចប់ធំ និង២០កញ្ចប់តូច និងមេតំហ្វេតាមីន (wy) ៣.១៥ក្រាម នេះបើតាមការចុះផ្សាយរបស់គេហទំព័រ អគ្គស្នងការនគរបាលជាតិ។
ជនសង្ស័យទាំង១១នាក់ ត្រូវបានឃាត់ខ្លួននៅ៖ ភ្នំពេញបង្ក្រាប៥ករណី ឃាត់ខ្លួន៧នាក់ ដកហូតថ្នាំមេតំហ្វេតាមីន (ice) ២កញ្ចប់ធំ និង១៤កញ្ចប់តូច, ខេត្តកណ្ដាលបង្ក្រាប១ករណី ឃាត់ខ្លួនម្នាក់ ដកហូតថ្នាំញៀនមេតំហ្វេតាមីន (ice) ៦កញ្ចប់តូច, ខេត្តបាត់ដំបង បង្ក្រាប១ករណី ឃាត់ខ្លួនម្នាក់ ដកហូតមេតំហ្វេតាមីន (wy) ៣.១៥ក្រាម និងខេត្តត្បូងឃ្មុំបង្ក្រាប ២ករណី (ដីការ ឃាត់ខ្លួន២នាក់៕
