(បន្ទាយមានជ័យ)៖ ថ្លែងនៅចំពោះមុខបងប្អូនប្រជាពលរដ្ឋជិត១០០០នាក់ នៅស្រុកព្រះនេត្យព្រះ ខេត្តបន្ទាយមានជ័យ នៅថ្ងៃទី២២ ខែមិថុនា ឆ្នាំ២០១៦នេះ កញ្ញា ធី សុវណ្ណថា ដែលជាយុវតីដ៏ល្បាញល្បីគាំទ្រគណបក្សសង្គ្រោះជាតិ និងជាអ្នកប្រឆាំងនឹងរឿងអាស្រូវផ្លូវលោក​ កឹម សុខា បានលើកឡើងថា រូបនាងមករៀបចំវេទិកាសាធារណៈនៅទីនោះ គឺមិនមានការ​បង្ខិតបង្ខំបងប្អូន​មកចូលរួមនោះទេ មិនមែនមនុស្សកុំព្យូទ័រទេ គឺមកចូលរួមដោយស្ម័គ្រចិត្តទាំងស្រុង។

ការលើកឡើងរបស់កញ្ញា បែបនេះធ្វើឡើង បន្ទាប់ពីមានអ្នកនយោបាយមួយចំនួន បាននិយាយថា កញ្ញាបានប្រើប្រាស់លុយទិញទឹកចិត្ត បងប្អូនប្រជាពលរដ្ឋឲ្យមកចូលរួមរាល់វេទិកា។

ឆ្លើយតបនឹងការលើកឡើងរបស់កញ្ញា ធី សុវណ្ណថា គ្រាដែលកញ្ញាកំពុងរៀបចំវេទិកាសាធារណៈ​ នៅចំពោះមុខបងប្អូនជិត១០០០នាក់, ដោយបងប្អូនយាយ តា មីង ពូ បានស្រែកថា «គាំទ្រឲ្យប្តឹងលោក កឹម សុខា»​​(សូមទស្សនាវិដេអូខាងក្រោម)។

សូមជំរាបថា កញ្ញា ធី សុវណ្ណថា តែងតែអំពាវនាវឱ្យប្រជាពលរដ្ឋចូលរួមទាមទារឱ្យ លោក កឹម សុខា ប្រធានស្តីទីគណបក្សសង្រ្គោះជាតិ ហ៊ានចេញមុខទទួលខុសត្រូវ ចំពោះមុខច្បាប់ចំពោះទង្វើ​អាក្រក់ពាក់ព័ន្ធ​នឹងរឿងអាស្រូវផ្លូវភេទជាមួយកញ្ញា ស្រីមុំ។ នៅក្នុងរយៈពេលចុងក្រោយនេះ កញ្ញា ធី សុវណ្ណាថា បានធ្វើដំណើររៀបចំ វេទិកាសាធារណជាច្រើនកន្លែង នឹងនៅតាមបណ្តាខេត្តនានា ដោយទាញបាន​ប្រជាប្រិយភាពជាច្រើន​ ពីបណ្តាបងប្អូនប្រជាពលរដ្ឋ៕