(កំពង់ធំ)៖ នាព្រឹកថ្ងៃទី២២ ខែ មិថុនា ឆ្នាំ ២០១៦ សមត្ថកិច្ចជំនាញការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តកំពង់ធំ បានឃាត់ខ្លួនជនសង្ស័យ៥នាក់ពីបទចែកចាយនិងប្រើប្រាស់គ្រឿងញៀន។
មន្រ្តីនគរបាលខេត្តកំពង់ធំ បានបញ្ជាក់ថា មុខសញ្ញាទាំង៥នាក់រួមមាន ១. ឈ្មោះ ណៃ បារាំង ភេទប្រុស អាយុ២៧ឆ្នាំ រស់នៅភូមិតារាមឃុំជីក្រែង ស្រុកជីក្រែងខេត្តសៀមរាប ជននេះធ្លាប់បានជាប់ពន្ធធនាគារខេត្តកំពង់ធំ ម្តងមានរយៈពេលពីរឆ្នាំពីបទជួញដូរគ្រឿងញៀន ២. ឈ្មោះ ឈាន ឆៃ ភេទប្រុសអាយុ១៨ឆ្នាំ រស់នៅភូមិច្រាំខ្ពស់ឃុំកំពង់ក្តី ស្រុកជីក្រែង ខេត្តសៀមរាប ៣. ឈ្មោះ យិ សេងហុង ភេទប្រុស អាយុ២២ ឆ្នាំ រស់នៅភូមិស្វាយសរឃុំកំពង់ចិនត្បូង ស្រុកស្ទោង ខេត្តកំពង់ធំ ៤. ឈ្មោះ ហ៊ុន សុខា ភេទប្រុស អាយុ២១ឆ្នាំ រស់នៅភូមិស្វាយសរឃុំកំពង់ចិនត្បូង ស្រុកស្ទោង ខេត្តកំពង់ធំ និង ៥. ឈ្មោះ អ៊ុច សុភា (ហៅវ៉ូ) ភេទប្រុសអាយុ២២ឆ្នាំ រស់នៅភូមិអូរដូង ឃុំម្សាក្រងស្រុកស្ទោង ខេត្តកំពង់ធំ។
ក្នុងការចុះប្រតិបត្តិការសមត្ថកិច្ចចាប់បានភស្តុតាងនូវថ្នាំញៀនពីរកញ្ចប់តូច និងម៉ូតូមួយគ្រឿង៕
