(ភ្នំពេញ)៖ នៅព្រឹកថ្ងៃទី២១ ខែមិថុនានេះ អនុប្រធានផ្នែកស៊ើបអង្កេត សមាគមសិទ្ធិមនុស្សអាដហុក លោក ណៃ វ៉ង់ដា ពុំបាននិយាយអ្វីនោះទេ ជាមួយអ្នកសារព័ត៌មាន នៅពេលអនុរក្សពន្ធនាគារបញ្ជូនរូបលោកមកកាន់សាលាដំបូងរាជធានីភំ្នពេញ ដើម្បីសាកសួរបទល្មើសសូកប៉ាន់សាក្សី ពាក់ព័ន្ធរឿងអ្នកនាង ខុម ចាន់តារ៉ាទី ហៅស្រីមុំ។ បច្ចុប្បន្នលោក ណៃ វ៉ង់ដា កំពុងស្ថិតក្រោមការសាកសួររបស់លោក ធាម ច័ន្ទពិសិដ្ឋ ចៅក្រមស៊ើបសួរសាលាដំបូងរាជធានីរាជធានីភំ្នពេញ។
ជាមួយគ្នានេះ លោក នី សុខា ប្រធានផ្នែកស៊ើបអង្កេតសមាគមសិទ្ធិមនុស្សអាដហុក ក៏នឹងត្រូវតុលាការសាកសួរផងដែរ នៅរសៀលថ្ងៃទី២១ ខែមិថុនានេះ ក្រោមការចោទប្រកាន់ពីសូកប៉ាន់សាក្សី ដូចគ្នានឹងការចោទប្រកាន់លោក ណៃ វ៉ង់ដា ដែរ៕
