(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានទស្សន៍ទាយថា ក្រុមជម្រើសជាតិរបស់ម៉ារ៉ុក នឹងយកឈ្នះប្រទេសក្រូអាត ដើម្បីគ្រងតំណែងលេខ៣ ក្នុងការប្រកួតពានរង្វាន់ពិភពលោកឆ្នាំ២០២២នេះ។

សម្តេចតេជោ ហ៊ុន សែន បានទស្សន៍ទាយបែបនេះតាមរយៈ Comment នៅលើការផ្សាយមួយលើហ្វេសប៊ុកនៅយប់ថ្ងៃទី១៧ ខែធ្នូ ឆ្នាំ២០២២នេះ។ សម្តេចតេជោ បានបញ្ជាក់បែបនេះ «លើកនេះ ទ្វីបអាហ្រិ្វក នឹងយកលេខ៣ គឺម៉ារ៉ុកឈ្នះ»។

សូមបញ្ជាក់ថា នៅវេលាម៉ោង១០យប់ថ្ងៃនេះ ម៉ារ៉ុក និងក្រូអាត នឹងបើកការប្រកួតជាមួយគ្នា ដើម្បីដណ្តើមយកតំណែងលេខ៣។

ដោយឡែកនៅវេលាម៉ោង១០យប់ថ្ងៃទី១៨ ខែធ្នូ គឺជាជំនួបរវាងបារាំង និងអាហ្សង់ទីន ដែលជាការប្រកួតវគ្គផ្តាច់ព្រ័ត្រ ដើម្បីដណ្តើមយកពានរង្វាន់បាល់ពិភពលោក។

សម្រាប់ការប្រកួតវគ្គផ្តាច់ព្រ័ត្រសម្តេចតេជោ បានទស្សន៍ទាយថា បារាំង នឹងបន្តគ្រងតំណែងម្ចាស់ពានបាល់ទាត់ពិភពលោក៕