(ភ្នំពេញ)៖ របាយការណ៍​បូក​សរុប​លទ្ធផល​ បង្ក្រាប​បទល្មើស​គ្រឿងញៀន​ប្រចាំ​ថ្ងៃ​ទី​ ១៨​ មិថុនា​ ២០១៦​ (គិត​ត្រឹម​ម៉ោង​១៧​ល្ងាច) បានឲ្យដឹងថា នគរបាលបានបង្ក្រាប​បទល្មើស​ជួញដូរ ​រក្សា​ទុក​ និង​ប្រើប្រាស់​៤​ករណី ​ឃាត់​មនុស្ស​៥​នាក់ ក្នុងនោះ​មុខសញ្ញា​ជួញដូរ​៥​នាក់ ដ​កហូតថ្នាំញៀន ប្រភេទមេ​តំ​ហ្វេ​តា​មីន(ម៉ាទឹកកក) ៦២២.៦៣​ក្រាម​,​ ១២​ញ្ច​ប់​ធំ​ និង​ ២២​កញ្ចប់​តូច​។​

គេហទំព័រអគ្គស្នងការនគរបាលជាតិបានឲ្យដឹងថា ជនសង្ស័យទាំងនោះ ត្រូវបានបង្ក្រាបនៅ៖ ​ខេត្តកណ្ដាល​​បង្ក្រាប​១​ករណី ​ឃាត់ខ្លួនម្នាក់ ដកហូតថ្នាំញៀនមេ​តំ​ហ្វេ​តា​មីន​​(ម៉ាទឹកកក) ២​កញ្ចប់​តូច, ខេត្ត​ស្ទឹង​ត្រែងបង្ក្រាប​១​ករណី ​ឃាត់ខ្លួន​២​នាក់​ ដកហូតថ្នាំញៀនមេ​តំ​ហ្វេ​តា​មីន​(ម៉ាទឹកកក) ៦២១.៤​ក្រាម​, ខេត្តព្រៃវែងបង្ក្រាប​១​ករណី ​ឃាត់ខ្លួនម្នាក់ ដកហូតថ្នាំញៀន មេ​តំ​ហ្វេ​តា​មីន​​(ម៉ាទឹកកក) ២​កញ្ចប់​ធំ​ និង​២០​កញ្ចប់​តូច​ និងខេត្ត​ពោ​ធ៍​សាត់ ​បង្ក្រាប​១​ករណី ឃាត់ខ្លួនម្នាក់ ដកហូត​ថ្នាំញៀនមេ​តំ​ហ្វេ​តា​មីន ​(ម៉ាទឹកកក) ១.២៣​ក្រាម៕​​