(ភ្នំពេញ)៖ យុទ្ធនាការប្រយុទ្ធប្រឆាំងគ្រឿងញៀនខុសច្បាប់ទូទាំងប្រទេស សម្រាប់ថ្ងៃទី០៩ ខែវិច្ឆិកា ឆ្នាំ២០២២នេះ បានបង្ហាញថា កម្លាំងសមត្ថកិច្ចបានបង្ក្រាប៩ករណី ក្នុងនោះករណីប្រើប្រាស់២ករណី, ដាំដុះ១ករណី, ដឹកជញ្ជូនរក្សាទុក២ករណី, និងជួញដូរ៤ករណី ដោយឃាត់ខ្លួនជនសង្ស័យ២០នាក់។
របាយការណ៍ បានឲ្យដឹងថា លទ្ធផលអនុវត្តច្បាប់ពីថ្ងៃទី០១ ខែមករា ដល់ថ្ងៃទី០៧ ខែវិច្ឆិកា ឆ្នាំ២០២២នេះ កម្លាំងសមត្ថកិច្ច បានបង្ក្រាបចំនួន៥,៤៦៣ករណី ឃាត់មនុស្ស១២,៧៨៩នាក់ (ស្រី៨០៥នាក់)៕
