(ត្បូងឃ្មុំ)៖ ដើម្បីចូលរួមលើកកម្ពស់វិស័យព្រះពុទ្ធសាសនា ដែលជាសាសនារបស់រដ្ឋ លោកឧកញ៉ាមហាឧបាសក នៅ គន់ និងលោកស្រី សៅ វណ្ណា ត្រូវជាមាតាបិតាទេសរដ្ឋមន្ត្រី គន់ គីម និងលោក គន់ សុភា អភិបាលរងខេត្តកំពង់ចាម រួមជាមួយកូនៗ និងញាតិមិត្តជិតឆ្ងាយ មានសទ្ធាជ្រះថ្លាផ្តួចផ្តើមប្រារព្ធពិធីបុណ្យកឋិនទានដង្ហែរចូលទៅប្រគេនព្រះសង្ឃ ដែលគង់ចាំព្រះវស្សាអស់កាលត្រីមាស ក្នុងពុទ្ធសីមា វត្តចំនួន៩ ក្នុងខេត្តត្បូងឃ្មុំ ខេត្តក្រចេះ និងខេត្តព្រៃវែង។
ពិធីសូត្រមន្តតាមបែបសាសនា នារសៀលថ្ងៃទី២៦ ខែតុលា និងដង្ហែរចូលវត្តនៅព្រឹកថ្ងៃទី២៧ ខែតុលា ឆ្នាំ២០២២។
នាឱកាសនោះ លោកឧកញ៉ាមហាឧបាសក នៅ គន់ និងភរិយា បានសម្តែងនូវក្តីរីករាយ ដែលកូនៗនិងលោក ព្រមទាំងលោក លោកស្រី ញាតិមិត្តពុទ្ធបរិស័ទ្ធជិតឆ្ងាយ រួមគ្នាធ្វើបុណ្យកឋិនទាន នេះឡើង ដោយបានប្រមូលបច្ច័យបានរហូតជាង ១៣៦លានរៀល ដោយបានចូលរួមជាមួយរាជរដ្ឋាភិបាលកម្ពុជា ក្នុងការលើកកម្ពស់វិស័យព្រះពុទ្ធសាសនា និងអំពាវនាវឲ្យបងប្អូនប្រជាពលរដ្ឋ បន្តជឿជាក់ និងគាំទ្រ រួមដំណើរជាមួយសម្តេចតេជោ ហ៊ុន សែន បន្តកសាងសមិទ្ធផលក្នុងទីអារាមនេះ ក៍ដូចជាទូទាំងប្រទេសបន្ថែមទៀត។
សូមជម្រាបថា អង្គកឋិនទាន ដែលដង្ហែរចូលវត្តចំនួន៩នេះមាន៖
១-វត្តដំណាក់ចារ
២-វត្តព្រៃកំពែង
៣-វត្តព្រះពន្លៃ
៤-វត្តឥសានមានជ័យ
៥-វត្តជាំម្លូរ
៦-វត្តចាន់ទូង
៧-វត្តជ័យមុនី ( ព្រៃវែង )
៨-វត្តព្រះសិរីបុត្រ (កាបី ខេត្តក្រចេះ )
៩-វត្តទួលវិហារ៕
