(ភ្នំពេញ)៖ នារីស្រវឹងម្នាក់ បើករថយន្តបុករបាំងដែកពុះចែកទ្រូងផ្លូវបាក់អស់៤ផ្ទាំង បណ្ដាលឱ្យរថយន្ដខូចទៅមុខលែងរួច តែសំណាងល្អគ្មានអ្នករងរបួស។
គ្រោះថ្នាក់ចរាចរណ៍នេះ កើតឡើងនៅម៉ោង២៖៥០នាទី រំលងអាធ្រាត្រថ្ងៃទី១២ ខែមិថុនា ឆ្នាំ២០១៦នេះ តាមបណ្ដោយមហាវិថីសហព័ន្ធរុស្សី ស្ថិតក្នុងសង្កាត់កាកាបខណ្ឌពោធិសែនជ័យ រាជធានីភ្នំពេញ។
មុនពេលកើតហេតុគេឃើញរថយន្ដម៉ាក Rav4 ពាក់ស្លាកលេខភ្នំពេញ 2B-0464 បើកបរដោយនារីម្នាក់ ស្រវឹងក្នុងទិសដៅពីកើតទៅលិច ដោយសារតែនារីជាអ្នកបើកបរស្រវឹង ក៏បានបើកជ្រុលចង្កូតទៅបុករបាំង ដែកពុះចែកទ្រូងផ្លូវបាក់អស់៤ផ្ទាំង និងបណ្ដាលឱ្យរថយន្ដខូច បើកទៅមុខលែងរួច តែសំណាងមិនមានណាម្នាក់រងគ្រោះឡើយ។
ក្រោយពេលកើតហេតុ រថយន្ដបង្កត្រូវបានសមត្ថកិច្ច ស្ទួចយកទៅរក្សាទុកនៅការិយាល័យចរាចរណ៍ក្រុងភ្នំពេញ ដើម្បីចាត់ការតាមនីតិវធី៕
