(ភ្នំពេញ)៖ គណៈកម្មាធិការសិទ្ធិមនុស្សកម្ពុជា នៅថ្ងៃទី១០ ខែមិថុនា ឆ្នាំ២០១៦នេះ បានចេញសេចក្តីថ្លែងការណ៍មួយ ដោយអះអាងថា ពេលនេះមានជន ឬក្រុមមួយចំនួន ដែលកំពុងជ្រក​ក្រោមស្លាកអង្គការសង្គមស៊ីវិល បានបំភ្លៃព័ត៌មាន ដែលធ្វើឱ្យប៉ះពាល់​ដល់កេរ្តិ៍ឈ្មោះ រាជរដ្ឋាភិបាលកម្ពុជា ។

ជាមួយគ្នានេះ តាមរយៈសេចក្តីថ្លែងការណ៍ដដែល គណៈកម្មាធិការសិទ្ធិមនុស្សដែលដឹកនាំដោយ លោក កែ រ៉េមី បានអំពាវពាវនាឱ្យ បុគ្គលគ្រប់រូប អនុវត្តសិទ្ធិសេរីភាពរបស់ខ្លួន ដោយគោរព​ដល់សិទ្ធិអ្នកដទៃ។

គណៈកម្មាធិការសិទ្ធិមនុស្សកម្ពុជា  «ក្នុងរយៈពេលថ្មីៗនេះ មានបុគ្គលឬក្រុម ឬសង្គមស៊ីវិល និងអអ្គការអន្តរជាតិ​មួយចំនួនតូច​ទាំងនៅក្នុង និងក្រៅប្រទេស ដែលក្រុមខ្លះ​ជ្រកក្រោម​ស្លាក​សិទ្ធិមនុស្ស ដោយខិតខំបំភ្លៃពីការ​អនុវត្តត្រឹម​ត្រូវតាមច្បាប់ របស់រាជរដ្ឋាភិបាល បង្វែការ​ចោទប្រកាន់មកថា ការរំលោភលើសិទ្ធិ​មនុស្សទៅវិញ ក្នុងគោលបំណង​ធ្វើឱ្យអាប់​ឱន​កេរ្តិ៍ឈ្មោះ រាជរដ្ឋាភិបាលកម្ពុជា។ ឯក្រុមផ្សេងទៀតមាន​ការយល់ច្រឡំអីសិទ្ធិ និងការទទួលខុសត្រូវ។ ការយល់ច្រឡំនេះ ជាហេតុធ្វើឱ្យប៉ះពាល់យ៉ាងធ្ងន់ធ្ងរដល់សិទ្ធិអ្នកដទៃ ដល់ការ​អនុវត្តច្បាប់ សណ្តាប់ធ្នាប់សាធារណៈ សុវត្ថិភាព យុត្តិធម៌សង្គម និងស្ថិរភាពនយោបាយ»។

ខាងក្រោមនេះជាសេចក្តីថ្លែងការណ៍របស់ គណៈកម្មាធិការសិទ្ធិមនុស្សកម្ពុជា៖