(ភ្នំពេញ)៖ របាយការណ៍បូកសរុប លទ្ធផលបង្ក្រាបបទល្មើសគ្រឿងញៀន ប្រចាំថ្ងៃទី០៩ ខែមិថុនា ឆ្នាំ២០១៦ (គិតត្រឹមម៉ោង១៦ល្ងាច) បានឲ្យដឹងថា នៅថ្ងៃម្សិលមិញនេះ កម្លាំងនគរបាលបានឃាត់ខ្លួន មនុស្ស២៤នាក់ ពាក់ព័ន្ធនឹងបទល្មើសជួញដូរ រក្សាទុក និងប្រើប្រាស់គ្រឿងញៀន ៧ករណី ក្នុងនោះមានមុខសញ្ញាជួញដូរ១២នាក់ និងប្រើប្រាស់១២នាក់ ដកហូតថ្នាំញៀនប្រភេទ មេតំហ្វេតាមីន(ice) ចំនួន៤.២៧ក្រាម, ១កញ្ចប់ធំ និង១៤កញ្ចប់តូច។
គេហទំព័រអគ្គស្នងការនគរបាលជាតិ បានបញ្ជាក់ថា ជនសង្ស័យទាំង២៤នាក់ ត្រូវបានឃាត់ខ្លួននៅ៤រាជធានី-ខេត្តរួមមាន៖ រាជធានីភ្នំពេញ បង្រ្កាប៤ករណី ឃាត់ខ្លួន១៩នាក់, ខេត្តកណ្ដាល បង្រ្កាប១ករណី ឃាត់ខ្លួន២នាក់, ខេត្តត្បួងឃ្មុំ បង្រ្កាប១ករណី ឃាត់ខ្លួន២នាក់ និងខេត្តពោធ៍សាត់ បង្រ្កាប១ករណី ឃាត់ខ្លួនម្នាក់៕
