(ម៉ិចស៊ីកូ)៖ យោងតាមការចេញផ្សាយរបស់ទីភ្នាក់ងារអង្កេតភូមិសាស្រ្តសហរដ្ឋអាមេរិក (USGS) នៅមុននេះបន្តិចបាន​ឲ្យដឹងថា មានករណីគ្រោះរញ្ជួយដីផ្ទួនៗ ក្នុងកម្រិត ៦,៤រ៉ិចទ័រ និង៥,៥រ៉ិចទ័រ បានកើតឡើងនៅក្បែរឆ្នេរសមុទ្រ San Patricio ភាគខាងលិច​ប្រទេស​ម៉ិកស៊ីកូ។

ករណីទី១ បានកើតឡើងនៅតំបន់ឆ្នេរសមុទ្រ ចម្ងាយ ៩៣គីឡូម៉ែត្រ ពីភាគខាងត្បូងនៃទីក្រុង San Patricio និងលើក​ទី២ បានកើតឡើងនៅចម្ងាយ ៩១គីឡូម៉ែត្រពី​ភាគខាងត្បូងនៃទីក្រុង San Patricio ដូចគ្នា។

នៅក្នុងរបាយការណ៍របស់ USGS បានឲ្យដឹងថា គ្រោះរញ្ជួយដីលើកទី១ មានជម្រៅ ១០គីឡូម៉ែត្រ និងលើកទី២ មាន​ជម្រៅ ៣៣គីឡូមែត្រ ប៉ុន្តែសម្រាប់ព័ត៌មានពីផលប៉ះពាល់នោះ នៅមិនទាន់ដឹងនៅឡើយទេ៕