(ភ្នំពេញ)៖ សម្តេចតេជោ ហ៊ុន សែន នៅរសៀលថ្ងៃទី១៧ ខែកញ្ញា ឆ្នាំ២០២២នេះ បានចាប់ផ្តើមសាកល្បងប្រើ iPhone 14 ជាលើកដំបូង តាមរយៈការបង្ហោះរូបថតចៅស្រីទី២២ ដឹកដៃចៅស្រីទី១ ដែលជាកូនស្រីរបស់លោកស្រី ហ៊ុន ម៉ាណា។

សម្តេចតេជោ ហ៊ុន សែន បានសរសេរក្នុង Facebook យ៉ាងដូច្នេះថា «ដឹកដៃបងស្រីទៅណាចៅ?មកដល់ពេលនេះប្រហែលចៅទី២២ ស្គាល់បងស្រីខ្លួនហើយមើលទៅទើបដឹកដៃបងស្រីបែបនេះ? ។ បង្ហោះសាកល្បងដោយ iPhone 14ដែល
ចាប់ប្រើថ្ងៃនេះ»។

សូមជម្រាបថា នៅយប់ថ្ងៃទី០៧ ខែកញ្ញា ឆ្នាំ២០២២ ក្រុមហ៊ុន Apple បានប្រកាសបង្ហាញផលិតផលថ្មីរបស់ខ្លួន ដោយក្នុងនោះផលិតផលធំៗចំនួន៣ គឺ iPhone 14, នាឡិកាដៃឆ្លាតវៃជំនាន់ថ្មី និងកាសឥតខ្សែ AirPods ជំនាន់ថ្មី។

សម្រាប់ iPhone 14 ត្រូវបាន Apple ប្រកាសបង្ហាញចំនួន ៤ម៉ូដែលផ្សេងគ្នាគឺ iPhone 14, iPhone 14 Plus, iPhone 14 Pro និង iPhone 14 Pro Max៕