(ភ្នំពេញ)៖ អគ្គលេខាធិការដ្ឋាន នៃរដ្ឋសភា នៅល្ងាចថ្ងៃទី១២ ខែកញ្ញា ឆ្នាំ២០២២នេះ បានចេញសេចក្ដីជូនដំណឹងផ្លូវការ នៃការទទួលមរណភាពរបស់ លោក ប៊ូ ឡាំ សមាជិកគណៈកម្មការមហាផ្ទៃ ការពារជាតិ និងមុខងារសាធារណៈ (គណៈកម្មការទី៤) និងជាតំណាងរាស្ដ្រមណ្ឌលរតនគិរី។
លោក ប៊ូ ឡាំ បានទទួលមរណភាពនៅវេលាម៉ោង១២៖១២នាទីថ្ងៃត្រង់ ថ្ងៃទី១២ ខែកញ្ញា ឆ្នាំ២០២២នេះ ក្នុងជន្មាយុ ៦៧ឆ្នាំ ដោយរោគាពាធ។
សពរបស់លោក ប៊ូ ឡាំ នឹងត្រូវរៀបចំដម្កល់ធ្វើបុណ្យតាមប្រពៃណីនៅភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី៕
