(ភ្នំពេញ)៖ សល់រយៈពេលត្រឹមតែ១ថ្ងៃទៀតប៉ុណ្ណោះ កម្មវិធីល្ខោនខ្មែរ រដូវកាលទី១ ដែលរៀបចំដោយ ស.ស.យ.ក ខេត្តស្វាយរៀង និងគាំទ្រដោយក្រសួងវប្បធម៌ និងវិចិត្រសិល្បៈ នឹងផ្អាកទទួលពាក្យចូលរួមប្រកួតពីបេក្ខជន បេក្ខនារី ដែលស្នេហាវិស័យសិល្បៈបុរាណទូទាំង ២៥រាជធានី-ខេត្ត។

ប្រព្រឹត្តទៅក្រោមវិញ្ញាសា «ទម្រង់របាំក្បាច់បុរាណខ្មែរ» រដូវកាលទី១ នឹងមានការចូលរួមវាយតម្លៃយ៉ាងសុក្រឹតពីសំណាក់គណៈកម្មការចំនួនបួនរូបលោកកស្រីសាស្រ្តាចារ្យ សំ សត្យា។ លោកទាំង៤នាក់ មិនត្រឹមតែជាគណៈមេប្រយោគដាក់ពិន្ទុទេ ថែមទាំងជាគ្រូបង្វឹកដោយផ្ទាល់ទៅដល់បេក្ខជនប្រកួតផងដែរ។

សូមបញ្ជាក់ផងដែរថា សម្រាប់សាធារណជនមិនថាសិល្បករអាជីពក្ដី មិនអាជីពក្ដីដែលចង់បញ្ចេញសមត្ថភាព និងចូលរួមលើកស្ទួយវិស័យវប្បធម៌ខ្មែរយើង សូមមេត្តាប្រញាប់ដាក់ពាក្យដែលលក្ខន្តិកៈងាយស្រួលណាស់ គឺគ្រាន់តែបំពេញពាក្យចូលរួមប្រកួតប្រជែង និងវីដេអូសម្ដែងទម្រង់របាំក្បាច់បុរាណខ្មែរណាមួយយ៉ាងតិច៥នាទី រួចផ្ញើមកកាន់ទំព័រហ្វេសប៊ុក របស់សហភាពសហព័ន្ធយុវជនកម្ពុជា ខេត្តស្វាយរៀង ឬតេលេក្រាមលេខ 099 914 ល្ខោនខ្មែរ UYFC SVR»។

សូមកុំឱ្យឱកាសនេះផុតកំណត់ដោយអសារបង់។ ចំពោះជ័យលាភីលេខ១ នឹងទទួលបានរង្វាន់លើកទឹកចិត្តជាទឹកប្រាក់ ១២លានរៀល។ ជ័យលាភីលេខ២ ទទួលបានទឹកប្រាក់ ៨លានរៀល និងជ័យលាភីលេខ៣ ទទួលបានទឹកប្រាក់ ៤លានរៀល។ «មិនត្រឹមតែជាការចូលរួមប្រកួត តែយើងទាំងគ្នា ចូលរួមគាំទ្រ អភិរក្ស និងលើកស្ទួយសិល្បៈបុរាណខ្មែរ»។

លោកអ្នកអាចទាក់ទងមកលេខទូរស័ព្ទ៖ ០៩៩ ៩១៤ ១២១៕