(សៀមរាប)៖ លោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ ជាប្រធានក្រុមប្រឹក្សាភិបាលអាជ្ញាធរជាតិអប្សរា និងជាអនុប្រធានក្រុមការងារតម្រង់ទិស ដើម្បីដោះស្រាយបញ្ហាសំណង់ និងដីធ្លីក្នុងតំបន់រមណីយដ្ឋានអង្គរ និងតំបន់ដទៃទៀតស្ថិតក្រោមការគ្រប់គ្រងរបស់អាជ្ញាធរជាតិអប្សរា បានចុះពិនិត្យការងាររៀបចំសម្អាតដីឡូត៍ សម្រាប់ប្រជាជាពលរដ្ឋដែលស្ម័គ្រចិត្តចាកចេញពីតំបន់រមណីយដ្ឋានអង្គរ ទៅកាន់ទីតាំងថ្មីស្ថិតនៅភូមិធម្មជាតិរុនតាឯក។
ការត្រួតពិនិត្យនេះធ្វើឡើងនាព្រឹកថ្ងៃទី៦ ខែកញ្ញា ឆ្នាំ២០២២ លោកស្រីរដ្ឋមន្ត្រីជួបសំណោះសំណាលសួរសុខទុក្ខដល់លោកគ្រូ អ្នកគ្រូ ព្រមទាំងសិក្សានុស្សនៅសាលាបឋមសិក្សាហ៊ុន សែន រុនតាឯក ដែលមានទីតាំងស្ថិតនៅជាប់កន្លែងកំពុងរៀបចំសម្អាតដីឡូត៍ផង៕
