(ត្បូងឃ្មុំ)៖ នាយឧត្តមសេនីយ៍ សៅ សុខា អគ្គមេបញ្ជាការងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និងលោក ជាម ច័ន្ទសោភ័ណ អភិបាលខេត្តត្បូងឃ្មុំ នៅព្រឹកថ្ងៃទី០៧ ខែកញ្ញា ឆ្នាំ២០២២នេះ បានអញ្ជើញប្រកាសចូលកាន់តំណែង និងបំពាក់ឋានន្ដរស័ក្ដិ មេបញ្ជាការកងរាជអាវុធហត្ថខេត្តត្បូងឃ្មុំ។
មេបញ្ជាការកងរាជអាវុធហត្ថខេត្តត្បូង ដែលត្រូវប្រកាសចូលកាន់តំណែងនេះ គឺលោកវរសេនីយ៍ឯក រ័ត្ន ចាន់ណា ហើយក៏ត្រូវតម្លើងឋានន្ដរស័ក្ដិ ថ្នាក់ឧត្តមសេនីយ៍ត្រី ក្នុងឱកាសនេះផងដែរ។
ដោយឡែក លោកឧត្តមសេនីយ៍ត្រី វ៉ា សារិទ្ធ ត្រូវបានតែងតាំងជាសមាជិក ក្រុមស្រាវជ្រាវយុទ្ធសាស្ដ្រយោធា ថ្នាក់អគ្គបញ្ជាការ៕
