(អាមេរិក)៖ សហស្ថាបនិក និងជានាយកប្រតិបត្តិបណ្ដាញសង្គម Facebook លោក Mark Zuckerberg បាន​បង្កើត​នូវព្រឹត្តិការណ៍ដ៏អស្ចារ្យមួយ​ និងមិនធ្លាប់មានគឺ​ផ្សាយផ្ទាល់ពី​អវកាស (Facebook Live in space) ជា​មួយ​អាកាសយានិកអង្គការ​ NASA សហរដ្ឋអាមេរិក។

នៅក្នុងវីដេអូផ្សាយផ្ទាល់ពីការិយាល័យកណ្ដាលរបស់ Facebook លោក Mark Zuckerberg បានសួរសំណួរទៅកាន់​​​អាកាសយានិកអង្គការ​ NASA ចំនួន ៣រូប មានលោក Jeff Williams, Tim Kopra និង Tim Peake ពាក់ព័ន្ធនឹងការប្រើប្រាស់បច្ចេកវិទ្យា ក៏ដូចជាបច្ចេកទេសមួយចំនួននៅលើលំហអាកាស ព្រមជាមួយគ្នានោះ ក៏​សួរទាក់ទងនឹងការរស់នៅ​រួមទាំងអាហារសម្រាប់ទទួលទាន។

វាជាលើកដំបូងសម្រាប់​ការផ្សាយផ្ទាល់ពីលំហអាកាស ហើយក៏ជាជោគជ័យមួយផងដែរ សម្រាប់បណ្ដាញសង្គម Facebook ហើយក្រោយពីផ្សាយផ្ទាល់រួច លោក Mark Zuckerberg ក៏បានបង្ហាញពីរូបភាព​អំពីរបៀបផ្នែក​បច្ចេកទេស​ក្នុងការផ្សាយផ្ទាល់ ដោយមានការសហការជាមួយអង្គការ NASA។

ខាងក្រោមនេះគឺជាវីដេអូនៃកិច្ចសម្ភាសន៍ របស់លោក Mark Zuckerberg ជាមួយនឹង​អាកាសយានិកអង្គការ​ NASA៖