(ភ្នំពេញ)៖ អគារសិក្សាមួយខ្នងកំពស់៣ជាន់ មាន១៨បន្ទប់ ទីចាត់ការ១ខ្នង ទីលានបាលទាត់មួយ ផ្លូវបេតុងមួយខ្សែប្រវែង៧៥ទទឹង៧ម៉ែត្រ ប្រពន្ធ័លូ រៀបការ៉ូឡា និងសមិទ្ធិផលនានាសរុបថវិកាអស់៤២១.៥០០ដុល្លារ ដែលជាអំណោយរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចកិត្តិព្រឹទ្ធ នៅក្នុងវិទ្យាល័យឥន្រ្ទទេវី ត្រូវបានសម្ភោធដាក់ឲ្យប្រើប្រាស់ជាផ្លូវការនៅព្រឹកថ្ងៃទី០១ ខែមិថុនា ឆ្នាំ២០១៦ ក្រោមអធិបតីភាពនាយឧត្តមសេនីយ៍ កែ គឹមយ៉ាន ឧបនាយករដ្ឋមន្រ្តី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន។
ក្នុងឱកាសនោះនាយឧត្តមសេនីយ៍ បានពាំនាំនូវការផ្ដាំផ្ញើ និងសួរសុខទុក្ខពីសំណាក់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចកិតិ្តព្រឹទ្ធបណ្ឌិត ដែលជានិច្ចជាកាលសម្តេចទាំងទ្វេ តែងយកចិត្តទុកដាក់ចំពោះវិស័យអប់រំដោយបានកសាងសាលារៀន ជាថ្នាលបណ្តុះបណ្តាលធនធានមនុស្ស ដែលជាអ្នកបន្តវេណដ៏មានសក្តានុពល សម្រាប់ប្រទេសជាតិទៅថ្ងៃអនាគត។
នាយឧត្តមសេនីយ៍ បានថ្លែងកោតសសើរចំពោះមាតាបិតា អាណាព្យាបាលសិស្ស លោកគ្រូអ្នកគ្រូ និងសិស្សានុសិស្សទាំងអស់ ដែលបានរួបរួមគ្នាធ្វើឲ្យវិទ្យាល័យ យើងមានសុវត្ថិភាពគ្មានគ្រឿងញៀន។
ជាមួយគ្នានេះ នាយឧត្តមសេនីយ៍ កែ គឹមយ៉ាន បានថ្លែងអំណរគុណដល់សប្បុរសជនទាំងអស់ដែលបានចូលរួមជួយជាថវិកា និងសម្ភារកសាងនូវសមិទ្ធិផលនានា នៅក្នុងវិទ្យាល័យ ដោយបានបំពាក់ជាមេដាយស្ថាបនាជាតិថ្នាក់មាស និងប្រាក់ជូន។
នាយឧត្តមសេនីយ៍ កែ គឹមយ៉ាន បានអំពាវនាវចំនួន៤ចំណុចពាក់ពន្ធ័នឹងសុវត្ថិភាពសាធារណ:រួមមាន:
១.ទោះចំណាយក្នុងតំលៃប៉ុន្មានក៏ដោយគឺត្រូវរក្សា ឲ្យបាននូវសន្តិភាពសាធារណ និងការអភិវឌ្ឍ
២.សូមឲ្យប្រជាលរដ្ឋ និងយុវជនត្រូវគោរពច្បាប់ចរាចរណ៍ បើកបរដោយការអធ្យាស្រ័យដើម្បីសុវត្ថិភាព
៣.ពង្រឹងការងារបំរើសេវាសាធារណជូនប្រជាពលរដ្ឋ មានការផ្តល់អត្តសញ្ញាណបណ្ណ័ជូនប្រជាពលរដ្ឋ និងឯកសារអត្រានុកូលដ្ឋាន
៤.ឱពុកម្តាយ អាណាព្យាបាល លោកគ្រូអ្នកគ្រូ យុវជនកាយរិទ្ធ កាកបាទក្រហមទាំងអស់ត្រូវបន្តអប់រំ បង្ការទប់ស្កាត់ពីបញ្ហាគ្រឿងញៀន ធ្វើយ៉ាងណាអោយវិទ្យាល័យ មានសុវត្ថិភាពគ្មានគ្រឿងញៀន។
នាឱកាសនោះ នាយឧត្តមសេនីយ៍ បានពាំនាំនូវអំណោយមួយចំនួន ដើម្បីចែកជូនដល់
១-គ្រួសារសិស្សដែលមានជីវភាពក្រលំបាកចំនួន១០៥គ្រួសារ ដែលក្នុង១គ្រួសារ បានទទួលអំណោយមាន៖
អង្ករ២៥គីឡូក្រាម មី០១កេស នំធុង០១ធុង ទឹកសីុអីុវ១យួរ ទឹកត្រី១យួរ សាក់កាដូ០១ ប៊ិច០២ដើមសៀវភៅ ១០ក្បាល និងថវិកា៥០០០០រៀល។
២-លោកគ្រូ អ្នកគ្រូចំនួន២៤៥នាក់ ក្នុងម្នាក់ៗ ទទួលបាន សារ៉ុង០១ និងថវិកា២០០០០រៀល។
៣-ក្រុមកាយរិទ្ធចំនួន១៥០នាក់ ក្នុងម្នាក់ៗទទួលបានមួកសុវត្ថិភាព០១ និងថវិកា១០០០០រៀល
៤-យុវជនកាកបាទក្រហមចំនួន១០០នាក់ ក្នុងម្នាក់ៗទទួលបានមួកសុវត្ថិភាព០១ និថវិកា១០០០០រៀល
៥-សិស្សានុសិស្សចូលរួមចំនួន៨៥០នាក់ ក្នុងម្នាក់ៗទទួលបានសៀវភៅ០២ក្បាល ប៊ិច០១ដើម មួកសុវត្ថិភាព០១ និងថវិកា៥០០០រៀល។
៦-សិស្សពូកែចំនួន០៤នាក់ក្នុងម្នាក់ៗទទួលបានថវិកា៤០០០០រៀល
៧-ប្រជាពលរដ្ឋចូលរួម៤០០នាក់ ក្នុងម្នាក់ៗទទួលបានសារ៉ុង០១ និងថវិកា១០០០០រៀល
៨-ក្រុមភ្លេងកាកបាទ ថវិកា៥០០.០០០រៀល និង៩-វិទ្យាល័យឥន្រ្ទទេវី ថវិកា១.០០០.០០០រៀល៕
