(ភ្នំពេញ)៖ លោកព្រឹទ្ធាចារ្យ ឆាំង សុង អតីតរដ្ឋមន្ត្រីក្រសួងឃោសនាការ បានទទួលមរណភាព នៅក្នុងមន្ទីរពេទ្យនាទីក្រុងឡុងប៊ិច រដ្ឋកាលីហ្វ័រញ៉េ សហរដ្ឋអាមេរិក នៅវលាម៉ោង៣ជិតភ្លឺថ្ងៃទី២១ ខែសីហា ឆ្នាំ២០២២ ត្រូវនឹងម៉ោង៧យប់ ថ្ងៃទី២១ ខែសីហា ឆ្នាំ២០២២ ម៉ោងនៅប្រទេសកម្ពុជា ក្នុងជន្មាយុ៨៥ឆ្នាំ ដោយរោគាពាធ។

លោកស្រី ស្រី ភ័ណ កូនស្រីលោកឆាំង សុង បានឱ្យដឹងទាំងអារម្មណ៍ក្តុកក្តួលថា ឪពុករបស់លោកស្រី បានចូលសំរាកព្យាបាលនៅក្នុងមន្ទីរពេទ្យតាំងពីថ្ងៃទី៨ ខែសីហា មកម្ល៉េះ តែដោយស្ថានភាពជំងឺរបស់លោកឪពុកលោកស្រី មានសភាពដុនដាបខ្លាំងពេក ទោះក្រុមគ្រូពេទ្យខំជួយអស់ពីសមត្ថភាពយ៉ាងណា ក៏ពុំអាចជួយសង្គ្រោះជីវិតលោកបានដែរ។

ទាក់ទងពិធីបុណ្យសពលោកព្រឹទ្ធាចារ្យ ឆាំង សុង បងប្អូន និងសាច់ញាតិរបស់សព អាចទាក់ទងជាមួយលោកស្រី ស៊ុម សារុន ភរិយារបស់លោក ឆាំង សុង ផ្ទាល់តាមលេខទូរស័ព្ទ: (562)607-3870 តែម្តង៕