(អាមេរិក)៖ ក្រុមហ៊ុនបច្ចេកវិទ្យាយក្ស Microsoft និងបណ្ដាញសង្គមយក្ស​ Facebook បានចាប់ដៃគ្នាអូសខ្សែកាប Fiber optic កាត់មហាសមុទ្រអាត្លង់ទិក ដើម្បីពង្រីកការប្រើប្រាស់អ៉ីនធើណែត​ឲ្យកាន់តែទូលំទូលាយ ជាមួយនឹង​តម្លៃ​ទាប​ជាមុន នេះបើយោងតាមការចេញផ្សាយរបស់សារព័ត៌មាន Wall Street Journal ចេញផ្សាយនៅថ្ងៃទី២៨ ខែ​ឧសភា។

គម្រោងថ្មីនេះ មានឈ្មោះថា «Marea» ដែលត្រូវអូសខ្សែកាប​កាត់​មហាសមុទ្រអាត្លង់ទិកពីរដ្ឋ Virginia សហរដ្ឋ​អាមេរិក​ទៅកាន់ប្រទេសអេស្ប៉ាញ ដែលមាន​ចម្ងាយប្រមាណ ៦,៤៣៧គីឡូម៉ែត្រ ដោយខ្សែកាប់ដែល​ត្រូវអូស​នេះ មានកម្រិតគុណភាពខ្ពស់។

គម្រោងថ្មីនេះ ត្រូវបានក្រុមហ៊ុន Microsoft និង Facebook សហការជាមួយក្រុមហ៊ុនទូរគមនាគមន៍អេស្ប៉ាញ Telefónica SA ហើយអាចនឹងដំណើរការនៅឆ្នាំក្រោយ ជាមួយនឹងតម្លៃនៃការប្រើអ៉ីនធើណែតទាប ប៉ុន្តែសម្រាប់​តម្លៃ​នៃគម្រោងនេះ មិនត្រូវបានក្រុមហ៊ុនទាំងអស់បញ្ជាក់ឲ្យដឹងឡើយ៕